Christiaan Ludolph Neethling, SV/PROG

Is your surname Neethling?

Research the Neethling family

Christiaan Ludolph Neethling, SV/PROG's Geni Profile

Records for Christiaan Neethling

16,214 Records

Share your family tree and photos with the people you know and love

  • Build your family tree online
  • Share photos and videos
  • Smart Matching™ technology
  • Free!

Share

Christiaan Ludolph Neethling, SV/PROG

Birthdate:
Birthplace: Wildberg,Graafskap Ruppen,Brandenburg,Duitsland, Europa
Death: Died in Kaapstad,Kaapkolonie,Suid Afrika
Immediate Family:

Son of Herman Neethling and Maria Roswach
Husband of Maria Magdalena Storm, SM
Father of Hendrik Ludolph Neethling, b1; Christina Magdalena Neethling, b2; Magdalena Jacoba Neethling, b3; Christiaan Ludolph Neethling, b4; Johannes Henoch Neethling, b5 and 5 others
Brother of Johannes Henoch Neethling

Managed by: Private User
Last Updated:

About Christiaan Ludolph Neethling, SV/PROG

Geboren te Wilburg, Graagschap Ruppen, Keurvorstendom, Brandenburg. Overleden te Kaap de Goede Hoop.

Christiaan Ludolph Neethling is gebore om 15h00, op 21 Des 1717, en is die tweede Sondag daarna deur Pastor Johannes Eustacius Plato in die Lutherse St. Nikolaikerk in Wilburg (Wildberg) gedoop. Hy besoek die Latynse skool in Ruppin en ontvang dus die hoogste opvoeding wat moontlik was. Hy was in 1735 (op 18-jarige ouderdom) skoolhoof van 'n skool in Pruisies Pommeren, maar word in 1736 sekretaris van die posmeester van die koninklike leër te Ruppen. In 1740 emigreer hy na Nederland. Sy plan was om uiteindelik na Italië te gaan, maar hy het daarteen besluit toe hy besef dat hy as Protestant nie daar gelukkig sou kon wees nie.

Hy tree toe in diens van die V.O.C., as onderkoopman, en vertrek op 27 Okt 1740 met die "Amsterdam" van Amsterdam na Oos-Indië. Arriveer aan die Kaap op 25 Jan 1741. Tot op daardie stadium was hy "gedurende de reis zwaar ziek en zwak geweest". Die ruwe lewenswyse van die matrose het hom ook ernstig gegrief en hy het net een begeerte gehad, nl. om van die skip af te kom. Kry toe 'n goedgunstige skeepsoffisier om hom medies ongeskik te verklaar om verder te reis, en word na 'n hospitaal in die Kaap geneem. Uit erkentlikheid aan die dokter, Jan van Schoor, gee hy later klavierlesse aan sy twee seuns. Hy word in 1742 na die Politieke Raad verplaas, na 'n paar weke tot assistent van die Sekretaris bevorder (salaris: aanvanklik £20, later £24). In Oktober 1748 word hy aangestel as boekhouer en eerste geswore klerk van Justisie. In 1753 word hy bevorder tot eerste klerk van die Secratarie van Polisie, met amp Sekretaris van Polisie vir Siviele- en Huweliksake. In 1756 word hy Sekretaris van die Raad van Justisie. Op 3 Junie 1788 word hy vir die pos van Sekretaris van die Politieke Raad (die hoogste betrekking in die staatsdiens van die ou Hollandse Kaap) aangewys. Dit is egter weens sy Lutherse geloof in Holland afgekeur.

Hy doen in die jaar 1749 by die Here 17 aansoek om sy van se spelling van Netheling na Neethling te verander, en verkry op 30 Sep 1749 goedkeuring vir hierdie versoek. Christiaan was 'n baie diep godsdienstige man, en het die gebruik gehad om by elke groot familiegeleentheid (huwelik, doopgeleenthede, sterftes) 'n gebed te skryf. So skryf hy op sy eie huweliksdag die volgende: "Uw hulp en bijstand, goede en genadige God wilt Gij mij niet onttrekken, laat dezelve mij vergezellen, geleid en voer mij langs den weg uwer Voorzienigheid tot mijn en der minmen eeuwig heil." Hy het ook baie vir die sending gedoen, veral onder die Hottentotte. Hy het die Kaap as sy enigste tuiste aanvaar, maar sy identiteit en kultuurerfenis as Duitser bly behou, en daarby sy kinders as Kapenaars opgevoed.

Hy het hom grootliks beywer vir die stigting van die eerste Lutherse gemeente. Sy laaste jare was waarskynlik in Stellenbosch, want hy kry in Oktober 1781 "seeker stukje lands tot een huijs en thuijn-erf, geleegen tusschen het nieuwe Kerkhof en het Molenwater en zoodanig gesitueerd dat zulks tot niemands prejuditie zoude komen te strekken." Hierdie twee erwe was langs die N.G. kerk in Drostdystraat. Hy het 'n huis daar gebou voor 1782, wat later deur Johan Wilhelm Herhold vergroot is tot 'n dubbelverdiepinghuis met slawekwartiere. Dit is vandag die Stellenbosch-museum. Christiaan sterf 27 Maart 1790, Kaapstad. Hy is saam met heelwat van sy kinders begrawe in grafkelder 13 in die kerkhof by die kerk op die Heerengracht.

Maria Magdalena Storm trou die tweede keer op 12 Sep 1790 met Nicolaas van Es. Maria sterwe 27 Aug 1804.

Bronne: Danie Viljoen se Webblad: http://users.iafrica.com/d/da/danievil/kwartierstaat.htm SAG vol 6, Neethling E.M. Neethling : Die Neethlings in Suid Afrika

Saamgestel deur: AM van Rensburg Otto Diedericks

http://www.stamouers.com/neethling.htm

view all 14

Christiaan Ludolph Neethling, SV/PROG's Timeline

1717
December 21, 1717
Wildberg,Graafskap Ruppen,Brandenburg,Duitsland, Europa
1718
January 3, 1718
Wildberg,Graafskap Ruppen,Brandenburg,Duitsland, Europa
1762
May 23, 1762
Age 44
South Africa
1763
October 9, 1763
Age 45
Cape Town, Western Cape, South Africa
1765
1765
Age 47
1767
1767
Age 49
1768
1768
Age 50
Cape Town, Cape Town, Western Cape, South Africa
1770
1770
Age 52
1773
November 28, 1773
Age 55
1774
1774
Age 56