Estelle STRIJDOM * Nylstroom 7.6.1936, redaktrise x Pretoria 4.4.1959 ÷ Andries Wessels BEYERS * Stellenbosch 5.3.1934, landmeter, s.v. Andries Brink en Mary Beyers xx Kaapstad 7.10.1974 John Lamar CROWSON * Tampa, Florida, VSA 27.5.1926, professor in Musiek, Universiteit van Kaapstad, s.v. John Crowson en Lucille Marks

[f1] Andries Brink BEYERS * Bellville 13.9.1961

[f2] Johannes Strijdom BEYERS * Bellville 23.4.1963, finansiele konsultant x Kaapstad 20.8.1988 Heleen LOUW * Brandfort 20.11.1951, wynkenner, s.v. Niklaas S. Louw en Hester Vivier

Source: Die familie van Rooy in Suid-Afrika

=======

Bekende subredakteur Estelle Crowson (73) ter ruste gelê

Source: 12 June 2009, Die Burger

“Elkeen het presies geweet waar hulle met haar gestaan het. Dit was nie altyd die gemaklikste posisie nie, maar ten minste het jy totale duidelikheid gehad oor jou spesifieke posisie.”

Só is me. Estelle Crowson Woensdagmiddag op haar begrafnisdiens deur haar seun mnr. Hans Beyers beskryf.

Crowson, wat ’n taalsubredakteur by die uitgewer Human & Rousseau was, is Saterdag op haar 73ste verjaardag oorlede.

Sy was die dogter van mnr. Hans Strijdom, voormalige eerste minister, en me. Susan Strijdom (née De Klerk), ’n tante van oudpres. F.W. de Klerk.

Volgens Beyers is sy ma op 7 Junie 1936 in Nylstroom gebore.

Sy is op 4 April 1959 getroud met mnr. Andries Beyers, seun van die destydse regter-president van die Kaapprovinsie, regter Andries Brink (Andrew) Beyers. Twee seuns, Andries en Hans Beyers, is uit die huwelik gebore.

Die huwelik is in 1966 ontbind en in 1974 het sy getrou met die Amerikaanse pianis Lamar Crowson, wat in 1998 oorlede is.

Mnr. Koos Human, medestigter van Human & Rousseau, het Crowson beskryf as ’n “baie knap mens wat haar werk geken het”.

Petra Müller, bekende skrywer en lewenslange vriendin van Crowson, het gesê: “Sy was lewenslustig en buitengewoon dapper. Sy was net ’n briljante mens.”

Müller het gesê Crowson was ’n goeie letterkunde-redakteur. Sy was ook ’n goeie pianis.