REGISTER VAN VOORTREKKERSTAMMOEDERS

(Uit: Visagie, J.C. 2000. Voortrekkerstamouers, 1835-1845. Universiteit van Suid-Afrika, Pretoria)

Opgedra aan ons stammoeders

De Wet, M J (wed J C Greyling), vrou van P Retief

Jan Christoffel Greyling en Piet Retief het as jong mans by haar gekuier. Sy kies Jan Christoffel Greyling by wie sy nege kinders gehad het. Drie is egter by geboorte dood.

Na Jan Christoffel Greyling se dood trou sy met Piet Retief wat toe nog ongetroud was. Al die Greyling kinders het Piet Retief na Natal gevolg. Hy het hulle beskryf as bruikbare en dapper kinders en hulle het die hoogste agting vir hom gehad.

Pietermaritzburg is na Piet Retief en Gerrit Maritz vernoem. Lenie Greyling is na haar man se dood met Piet Retief getroud. Greylingstraat in Pietermaritzburg is na haar kinders vernoem. -------------------- Magdalena J. verhuis daarna na Potchefstroom waar die Volksraad in Junie 1852 haar ‘n maandelikse toelaag van 10 riksdaalers toeken weens “den armoedige toestand” (Dit was die enigste pensioen wat die Volksraad ooit toeken). Sy leef as 70-jarige alleen op Potchefstroom as ‘n “eerwaardige deftige vrouw”, wat haar inkomste moet aanvul deur ondermeer fyngebak te verkoop. (Volgens J. Stuart - Hollandse skrywer.) “Al-lydens-moeder”, ‘n benaming van Totius is werklik op haar van toepassing.