Andreas Petrus Christoffel Nieuwoudt

Baptism 1890 Clanwilliam

Swart Andries (*02 November 1890 †25 Oktober 1980) Seun van David Josephus Nieuwoudt en Aletta Sophia Burger

Andreas Petrus Christoffel Nieuwoudt, bekend as Swart Andries, het sy bynaam gekry om hom te onderskei van sy neef Wit Andries wat op Kromrivier, Sederberg geboer het. Swart Andries se vader, David, het hom in 1893 op Dwarsrivier gaan vestig wat reeds in 1835 deur sy grootvader, Gerrit, vir £150 (R300) aangekoop is. Die plaas was ‘n veepos van Kromrivier. ‘n Fontein naby die huis, tesame met ‘n rivier en ‘n kort watervoor het water voorsien vir beperkte landbou.

Na voltooing van Standard 7 op Piketberg moes Andries gaan help met die boerdery. Sy grootste prestasie wat boerdery betref was die ontwikkeling van besproeingsgronde. Hy was verantwoordelik vir die aanbou van ‘n watervoor van ‘n paar kilometre lank oor ‘n rotsagtige terein wat tot vandag nog die lewensaar van die plaas is. Alle springstof skietwerk is deur himself gedoen en die voor se helling is met ‘n gewone waterpas gedoen waaroor gekorrel is. Dit het hom 6 winters geneem om te voltooi. Volgens Andries moes selfs sy troue met Wilhelmina Jacoba Theron op 4 April 1921, wag tot die voltooing van die watervoor.

Nadat sy vader die plaas aan sy twee seuns bemaak het, is die maatskappy GEBR. NIEUWOUDT met sy ouer broer Ernst gestig. Terwyl Ernst hoofsaaklik omgesien het na finansies en die veeboerdery, het Andries die aanplant van gewasse en besproeing beharting. Benewens die veeboerdery, rooibostee wat in die veld geoes is, groente en vrugte, was roltabak die hoofbron van inkomste. Gedurende die winter maande wanneer Ernst met die vee op hul Karooplaas gebly het, het Andries nog watervore aangelé om sodoende meer grond onder besproeing te plaas. Metertyd het die boerdery oorgeskakel na uitvoervrugte vir die Kaapstadse mark. Andies se visie van ‘n duikpyp vanaf die bestaande watervoor deur die rivier oor ‘n heuwel om gronde tot by Duikerfontein, drie kilometre ver, te besproei, is eers na hy van die plaas weg is in werking gestel.