Engeltje Quint, SM/PROG

Please let us have your inputs on this

Managers of Engeltje Quint, SM/PROG,

I am contacting you about this profile: Engelina Quint

Neem asb kennis van die volgende:
Die herkoms van Engeltje Quint, Stammoeder aan die Kaap
Daar is verskeie weergawes van die herkoms van Engeltje, soos aangedui en oorgeneem in die oudste familieregisters, maar ook meer onlangse weergawes op verskeie internetregisters.

Engeltje (oftewel Engela) Quint se inventarisse van haar huise in die Kaap en haar plaas op Stellenbosch noodsaak dit dat die vandaankom van hierdie sogenaamde weeskind, wat op haar oudag so ’n rykdom van besittings en slawe gehad het, uitgeklaar moet word.
Inventaris van haar huise in Kaapstad [https://www.familysearch.org/ark:/61903/3:1:3Q9M-C9BY-DSPJ-C?i=662] & Inventaris van haar plaas Gedult, Stellenbosch [https://www.familysearch.org/ark:/61903/3:1:3Q9M-C9BY-DS5H-2]

Die enigste verwysingspunt is die testament wat sy saam met haar man Nicolaes Loubser opgestel het op 1716-06-25. Daarmee het ons haar eie weergawe. Hierin konstateer sy dat sy 54 jaar oud is (d.w.s. gebore in ±1662) en dat sy van Leersom in die distrik Utrecht, Nederland, kom. Verder dat daar nog familie of kennisse in Nederland oor is aan wie sy 100 guldens nalaat, te wete die Van Ginkels van Wijk in die distrik Utrecht.
MOOC 7: Wills. Testamenten 1721-25 7/3 7/1/8 Index Nicolaes Loubser en Engela Quint 546 6:5 "[...] dat op huijsen in der jaere [...] duijsend zeven hondert en sestien op den vijf en twintigsten dag der maand Junij [...] in eijgener persoonen verscheenen zijn den eersamen Nicolaes Loubser uijt Zwitserland burger deser stede, oud een en zeventig en de eerbare engela quint van leerson uit Stigt van Uijtregt, oud vier en vijftig jaren [...]" Hulle herroep alle vorige testamente en huweliksvoorwaardes van 29 November 1685. Hulle verklaar hulle bemaak elkeen 25 gulden aan die armes van die Gereformeerde godsdiens; nog ’n legaat van 100 guldens aan Engela van Ginkel, dogter van Eeuwaert van Ginkel wonende tot Wijk; die res aan die langslewende, met dien verstande dat uitbetaal sal word aan die "twee kinderen, Johan Albertus en Alletta Loubser uijt te keren een somma van twee duijsent guldens [...] ook nog aan de twee kinderen wijlen haar lieder soon Eduwaert Loubser, Engela Alletta en Nicolaes gent. een gelijke somma van duijsent guldens." Hierdie testament (van 1716-06-25) word voorgelê aan die Weeskamer aan Cabo de Goede Hoop op 7 Maart 1721. [https://www.familysearch.org/ark:/61903/3:1:3Q9M-C9BY-J96Z-Q?i=542&...]

Ander navorsers het duidelik ook in die kerkregisters van die distrik Utrecht gaan soek en afgekom op kandidate vir Engeltje en haar ouers in die enigste Nederduits Gereformeerde Kerk-gemeente in die wyk waarin Leersum, Wijk, Rhenen, ens. val, naamlik Amerongen. Vandag, met die voorreg van die internet en die argiewe wat dokumente beskikbaar stel, moet ons ongelukkig erken dat hulle afleidings misplaas is. Hierdie skrywe wil graag die navorsing in ’n ander rigting stuur, maar wil dit nie waag om uitsprake te maak voor dit bevestig kan word nie.

Die huidige weergawe wat algemeen aangebied word, gee haar aan as: Engeltje Quint, van Leersum, Utrecht, ≈ 1668-11-19, maar ook as: * 1662-11-19. Die dogter van "een Hugonoot", "a horseman with the Dutch cavalry": Jan Edouart Quint [Edouard] [Johan Quint...] en Willemiena Verwey. Die bron van die datum 1662-11-19, kan dalk ‘n kontruksie wees van samevoeging.

Ja, daar is ’n Engeltje Quint gedoop op 1665-04-16 (d.w.s. drie jaar nadat "ons" Engeltje gebore sou gewees het):
1665-04-16: Gedoop Nederduits-gereformeerde kerk Amerongen "Jan Quint Majoor tot Rhenen en Willemina Verweij [wonend te] Amerongen hebben hare dochter laten doopen […] Engeltje genaamd. April 16 1665." [https://www.hetutrechtsarchief.nl/onderzoek/resultaten/archieven?mi...].
Maar hierdie Engeltje sterf skaars twee maande later en word op 1665-06-03 deur haar vader, Jan Quint, begrawe te Amerongen:
1665-06-03: Begrawe te Amerongen deur haar vader, Jan Quint Majoor tot Rhenen, Engeltje [https://hetutrechtsarchief.nl/component/maisinternet/?mistart=20&am......].

Jan Quint en Willemina Verweij doop weer ’n dogter op 1668-11-19 (d.w.s. ses jaar nadat "ons" Engeltje gebore sou gewees het) en noem haar weer Engeltje:
1668-11-19: Gedoop te NDGK Amerongen. "Jan Quint Majoor tot Rhenen en Willemina Verweij […] Amerongen hebben […] dochter laten doopen, […] Engeltje genaamt. Amerongen Nov 19 1668." [https://hetutrechtsarchief.nl/onderzoek/resultaten/archieven?mivast...].
Hierdie tweede Engeltje is goed gedokumenteer: nadat haar ouers oorlede is, word haar oudste broer, Godert Quint, aangestel as haar voog en hy bly dit tot haar huwelik in 1699 met Pieter van den Tempel. Sy sterf in 1707 in Utrecht. (Die Suid-Afrikaanse Engeltje se tweede huwelik in 1721 is met Jan Tempel – daarom miskien die verwarring?). Met genoegsame bewyse uit bronne in Nederland is dit dus seker dat hierdie Engeltje ook nie die stammoeder aan die Kaap was nie.

Jan Quint Majoor tot Rhenen ("schepen, borgemeester, ijkmeester, majoor") en Willemina Verweij is dus nie die ouers van die Engeltje wat met Claes Loopster aan die Cabo de Goede Hoop getroud is nie!
'n Ander bron het ook tot dieselfde gevolgtrekking gekom: https://docs.google.com/document/d/e/2PACX-1vTighQokFyGOysNWpgPJVac....

Terloops, van die huidige weergawes gee ook die voorouers van gemelde Jan aan, maar Jan (Johan) Quint se vader is nie Jan (Johan) Quint die Schout van Suilenstijn en Leersum, seun van Cornelis Jansz Quint nie. Dié Jan sou dan 14 jaar oud wees met Jan Majoor se geboorte! Johan "Schout" Quint x 1647-05-16 met Angelia Maurick [Engeltje Manrike / Manrique / Manrijcque], wed. van Barnardus Oldenburgh. Hulle seun, die eerste Johannes (Jan), is ≈1649-05-27 Amerongen, † <1651. Hulle doop ’n tweede Johannes (Jan) ≈1651-09-27 Amerongen. Daar is BAIE Quints in die distrik en ’n baie groot aantal met die naam Jan. Die meeste van hulle is nagevors en die slotsom is dat nie een Jan/Johan/Johannes "ons" Engeltje se pa is nie, hoewel sy haar oudste seun Jan Albert noem.

Een opsie, om die herkoms van Engeltjie vas te stel, moet hier egter oopgehou word: Jan die Majoor het ’n suster wat in 1679 in Oos-Indië is (dus moontlik Suid-Afrika?). As dit "ons" Engeltje is, was sy toe 17. Geen verdere inligting oor haar kon egter tot dusver gevind word nie.
1679-06-16: Op Amerongen, dist. Utrecht, sterf Jan Quint Majoor tot Rhenen se vader Johan Quint, en hy noem dat hy ’n suster het wat in Oos-Indië is (is dit dalk Engeltje na wie hy sy dogters vernoem het?) "16-6-1679 Johan Quint Major, won. Amerongen, exhibeert een besloten testament van zijn overleden vader Johan Quint, en begeerde, dewijl zijn zuster buiten lants in Oost-Indië was, en niet wetende van hare overkomste off wanneer, dat de notaris het testament zou openen." [http://www.rhczuidoostutrecht.com/PDF/NT00063_168.pdf].

Dit is nog steeds ’n raaisel hoe Engeltje aan Cabo de Goede Hoop beland het.
Definitief nie as weesmeisie nie. Die weesmeisie was Engeltje Cornelisz van der Bout, gebore in Rotterdam soos uitvoerig aangedui deur Richard Ball se artikel oor die agt weesmeisies https://www.eggsa.org/articles/Weesmeisies.htm).
Ook nie as diensmeisie nie. Die bron van die weergawe dui dit self aan as bloot spekulatief.

Die volgende leidraad uit die Loubser-testament om na te vors, is Engeltje se verbintenis met die Van Ginkels van Wijk, distrik Utrecht, en hier het ons ’n treffer met die doop van die einste Engela van Ginkel, dogter van Eeuwaert van Ginkel wonende tot Wijk aan wie die Loubser-erflating bemaak word. Evert van Ginckel [Evert Willemssen van Ginkel] x Jerephaesje Alberts Quint [Jurrieyntje / Jerijntje / Ureintje Kwint]. Ses kinders is uit die huwelik gebore waarvan die oudste dogter is:
Engeltje van Ginckel [van Ginkel] ≈ 1695-04-14 Amerongen, vader Evert van Ginckel [van Ginkel], moeder Jerephaesje Alberts Quint [Jurrieyntje / Jerijntje / Ureintje] [https://hetutrechtsarchief.nl/onderzoek/resultaten/archieven?mivast...]

Engeltje van Ginkel x Lammert Luijting. Hulle doop:
1. Evert Luijting ≈ 1721-12-31 Nieuwe Kerk Amsterdam. Getuies Evert van Ginkel en Ureintje Kwint [Quint];
2. Albert Luijting ≈ 1724-02-16 Noorderkerk Amsterdam. Getuies Evert van Ginkel en Urentje Kwint [Quint]
Haar kinders het dus dieselfde familiename as "ons" Engeltje se kinders. Engeltje (Engela) aan wie die Loubser-erflating bemaak is, se moeder was Jerephaesje Alberts (d.w.s. dogter van Albert) Quint. En hier volg nou bespiegeling: Was Jerephaesje miskien die Suid-Afrikaanse Engeltje se suster of halfsuster? Was Albert Quint dalk "ons" Engeltje se vader?

Dit noodsaak ‘n verdere soektog na Albert Quint wat die volgende oplewer uit https://www.genealogieonline.nl/genealogie-van-dijken/I01169.php:
1. Willem Quint *1555 †<1622 x Maria van Leeuwen 1565-1622
2. Jan Quint *±1580
3. Bert Jansen Quint [Bart Janz Quint / Bart], *±1605 † <1668, won. te Elst, x Cornelisje Teunis, *1605 Amerongen † <1638, xx 1638-01-21 Rhenen, met attes naar Amerongen, wed. van Peter van Deutekom [van Duleken], Geertruijt van Wageninghen †1671-11-13
Kinders uit eerste huwelik met Cornelia Teunis:
3.1. Cornelis Bartensz Quint * ±1620
3.1.1. Jerephaes Cornelis Quint (volgens erflating van Bert se tweede vrou, sien later).
3.2. Jan Barten Quindt [Johan Quint], won. Amerongen, x Hendrickjen Aertz [Aerts] xx 1647-12-24, wew. van Hendrickje Aerts, Maijken Tuenis [Maijke], j.d. van Cuylenborgh, won. in de Groep; xxx 1659-11-10 Renswoude, Jan Barten Quint, wednr. van Hendrickjen Aerts, won. Amerongen, Marichjen Hendrix [Marrigjen Hendricks], j.d. van Elst.
3.2.1. Aerdt Quint ≈ 1642-08-28 Amerongen; 3.2.2. Huijbert Quint ≈ 1644-03-2
3.3. Crijintken Quint
3.4. Aelbert Barten Quint * 1635 j.m. won. Elst onder Rhenen † 1689, Ω 1689-09-18 Amerongen [https://hetutrechtsarchief.nl/onderzoek/resultaten/personen-mais?mi...] x 1655-11-11 NDGK Rhenen, Aeltjen Ewitden [Euwits / Eeuwidden], j.d. won. Achterberg, *±1637 † <1675 xx 1675-11-28 Rhenen, wed. van Cornelis van Schoonhoven, Gerritje van der Poel (Gerrigje), won. Amerongen [https://hetutrechtsarchief.nl/onderzoek/resultaten/archieven?mivast...] † ±1702 Gerrigje van der Poel (tweede vrou) oorlede.
Kinders van eerste vrou (Aeltjen Ewitden):
3.4.1. Engeltjen Quint, ≈ 1657-02-15 Amerongen [https://hetutrechtsarchief.nl/onderzoek/resultaten/personen-mais?mi...]
Kan dit dalk die Suid-Afrikaanse Engeltje wees? Maar dan moes sy met die opstel van haar testament reeds 59 jaar oud gewees het, nie 54 soos sy beweer nie.

3.4.2. Bart Quint [Barth / Bartholomeus], ≈ 1659-01-20 Amerongen, x Adriaentje van Paets [Adriana van Paes / Ariaentje van Paats / Ariaentie Baats] Ω 1695-02-04 Utrecht.
3.4.2.1. Aelbert Quint ≈ 1690-03-13 Utrecht,
3.4.2.2. Dirckje Quint (vrouwelijk) ≈ 1692-07-03 Utrecht
3.4.2.3. Hendrick Quint ≈ 1694-12-12 Utrecht
3.4.2.4. Henrick Quint ≈ 1697-09-26 Utrecht
3.4.3. Cornelia Quint, ≈ 1662-09-21 Amerongen, † <1668.
3.4.4. Eeuwit Albertsz Quint [Eeuwidt / Ewout / Evert / Eewit Albertssoon / Ewid Aelbertsz/ Eduard] *1665 Elst, ≈ 1665-11-26 Amerongen [https://hetutrechtsarchief.nl/onderzoek/resultaten/archieven?mivast...], † >1735 x 1689-11-21 NDGK Amerongen, Martha Cornelis van der Son [van Son] (bruidegom en bruid van Elst)
3.4.4.1. Albert Quint [Aalbert Eewouts Quint] ≈ 1690-08-24 Amerongen
3.4.5. Cornelia Quint ≈ 1668-08-02 Amerongen, † <1669
3.4.6. Cornelia Quint, ≈ 1669-11-14 Amerongen
3.4.7. Aert Quint, ≈ 1672-01-12 Amerongen

Tot dusver is daar nie ’n doop opgespoor vir Jerephaesje nie. En tog word sy in ’n erflating van haar oupa Bert se tweede vrou as ’n kind van Albert benoem:
1671-11-13: Geertruijt van Wageningen genaamd Steenbergen, wed. Bart Quint, swack van lichame ende te bedde lach, doet teniet haar vorige testamenten uitgezonderd twee legaten ieder van 100 gl aan de dochter van Cornelis Barten Quint genaamt Jerephaes Cornelis, en aan de dochter van Cornelis Harmensz, timmerman, genaamd Ariaentje Cornelis. Zij legateert aan Hendrina Hendricks, dochter van Hendrick van Crimpen, te Leiden, 300 gl. en haar gouden ring met een dozijn servetten, twee slaaplakens, twee slopen en een tafel. En aan Cornelia Reijersdr 100 gl en een manteltje en de leste rok en een paar slaaplakens en een paar slopen. En aan de dochter van Bitter van Rede genaamd Jerephaesje 100 gl. En aan de dochter van Aelbert Quint, genaamd Jerephaes 100 gl. En aan Hendrik, de bastaard van Cornelis van Wageningen, haar broer, 100 gl. De diaconie 100 gl tot een nieuwe preekstoel...

Het Albert en sy tweede vrou, Gerritje van der Poel kinders gehad? Vermoedelik die Jerephaesje aan wie haar vermoedelike ouma Gertruida van Wageninghen 100 gulden nalaat en aan wie se dogter "ons" Engeltje op haar beurt 100 gulden bemaak? Gegewe die bostaande waarskynlikhede en die voorkoms van dieselfde familiename, kan daar dalk aangevoer word dat "ons" Engeltje se pa hierdie Albert en haar ma Aeltjen (Aletta) Ewitden was en dat sy op 15 Februarie 1657 te Amerongen gedoop is. Of dalk was sy die sewentienjarige suster van Jan Quint, majoor tot Rhenen, wat in 1679 na Oos-Indië gereis het. Nog baie navorsing is nodig, want wat ons as sekerhede beskou het, is nie korrek nie!

Opgestel en nagevors deur Riette Ruthven en Melt van der Spuy Loubser.

Sincerely,

Melt van der Spuy Loubser (k3)