Alexander Edington, SV/PROG

Hy kom in 1891 in die Kaapkolonie aan om 'n bateriologiese instituut te stig wat op diere-en mensesiektes werk en ook ander wetenskaplike werk virrig.

Edington was 'n kontroversiële wetenskaplike wat nie sonder meriete was nie, maar hy het homself in die voet geskiet deur gedurig voortydige aansprake te maak wat nie bewys kon word nie. Hy het nie maklik met mense klaargekom nie. Van sy personeel was beter wetenskaplikes as hy, vir wie hy nie krediet gegee het nie. [1, 2]

Aan die positiewe kant, hy het baie hard gewerk en het ook die instituut wat hy gestig het aanvanklik op 'n goeie sakegrondslag bestuur. Die latere mislukking kan nie net voor sy deur gelê word nie, maar ook aan 'n onduidelike mandaat van sy staatsowerhede. My artikel oor die "Colonial Bacteriological Institute" in die e-boek Veterinary history of southern Africa sal hopelik in 2019 verskyn.

Tot dan, die volgende skakel wat sy positiewe kant belig.

https://www.s2a3.org.za/bio/Biograph_final.php?serial=839

SAF 2018 meld 4 kinders. Alexander Daniel was ook 'n dokter. Daar is redelik baie inligting oor lg se nasate. Die mediese beroep word voortgesit selfs deur sy skoondogters. Daar is ongelukkig ook verskeie jong sterftes soos aangedui op die monument in die Stellawood begraafplaas in Durban.

Alexander Daniel en Agnes word in Skotland gebore. Die ander 2 se geboorteplekke is onbekend, maar synde sy kleinkinders definitief hier gebore is, kwalifiseer hy as progenitor. Hy kom in 1891 in die Kaapkolonie aan.

Alexander die stamvader se laaste woonplek was Greytown, Natal. Daar is geen grafsteen vir hom in die dorp se begraafplaas nie.

1. Gilfoyle, D. 2002. Veterinary science and public policy at the Cape Colony, 1877-1910. Ph.D Thesis, University of Oxford

2. Madida, N. 2003. A history of the Colonial Bacteriological Institute 1891-1905. MA thesis, University of Cape Town.

David Abraham Swanepoel