Arne Rustadstuen

https://snl.no/Arne_Rustadstuen

https://no.wikipedia.org/wiki/Arne_Rustadstuen

Arne Rustadstuen var ein norsk skisportutøvar i mellomkrigstida. Han hevda seg nasjonalt og internasjonalt i langrenn og kombinert. To av merittane hans er VM-gullet på 17 kilometer i 1930 og OL-bronsen på 50 kilometer i 1932. Den populære løparen fekk Holmenkollmedaljen i 1935 og vart i 1939 den første rikstrenaren i norsk langrenn. Lillehammer Skiklubarrangerer det årlege Arne Rustadstuens minneløp.

Verdsmeister og olympisk medaljør
Rustadstuen er ein av dei fremste utøvarane i Lillehammer Skiklubs historie. I løpet av karrieren representerte han òg Faaberg Idrettslag, der han fekk æresmedlemskap. Rustadstuen vart verdsmeister på 17 kilometer på heimebane i Oslo i 1930. Under vinter-OL i Lake Placid i 1932 sleit nordmennene med å meistre det vanskelege føret. Rustadstuens bronse på femmila vart vår einaste langrennsmedalje i leikane.

Andre merittar
Siger i kombinertrennet i Lahtisspelen i 1929
VM-bronse i kombinert i 1931
Noregsmeister på 18 kilometer i 1934
Siger på 18 kilometer i Holmenkollrennene i 1934 og 1935
Siger i den andre og tredje utgåva av Birkebeinerrennet (1933 og 1934)
OL-deltakar i 1936
Norsk langrenns første rikstrenar
I slutten av 1930-åra var det vanleg med rikstrenarar i til dømes Sverige og Finland. Noreg hadde korkje hatt økonomi eller tradisjon for det, men diskusjonane gjekk. Det enda med at Rustadstuen vart tilsett for vinteren 1939–1940. Han fekk mykje god respons i det å vere ein samlande ressursperson. Rustadstuen takka nei til å halde fram. Under krigen gav han òg fleire tydelege avslag på å trene løparane til Nasjonal Samling. Den neste rikstrenaren kom først i 1958 med Kristen Kvello, då med varig verknad.

Arne Rustadstuens minneløp
Rustadstuen gjekk bort i 1978. Lillehammer Skiklub arrangerer årleg Arne Rustadstuens minneløp på Birkebeineren skistadion.