Brite Ivardtr Raad

Aase Sæther skriv:

Brite Ivarsdtr Råd er arving i skiftet etter Nils Knudsen Brynestad i 1732. Dersom opplysningane i dette skal henge saman, må Brite vere dotter til ei av Nils sine halvsystre, Ragnhild Olsdotter Svarstad.

Brite inngår ekteskap i 1710 under namnet Brite Ivarsdtr Bjørkelo, og kausjonisten Anton Paulsen Bjørkelo er gift med ei anna av Nils Brynestad sine halvsystre, Brite Olsdatter Bjørkelo.

Dette ekteparet Anton og Brite Olsdtr fekk 6 born som alle døydde i fyrste leveåret, og det kan vere rimeleg å tru at dei har teke til seg Brite Ivarsdtr etter at faren døydde og mora vart gift på nytt.

Etter at Brite Ivarsdtr vart enkje for andre gong, ser ein henne ikkje att i Gloppen. Det same gjeld to av borna frå skiftet etter mannen Nils i 1745 - Mari og Kolbein.