Jeremia Jesaia Bezuidenhout

Jeremia Jesaia Bezuidenhout is op 13 September 1866 gebore in die Potchefstroom distrik. Jeremia Jesaia Bezuidenhout is gedoop op 28 Oktober 1866 n die Gereformeerde kerk in Potchefstroom. Die getuies was sy groot ouers, Jeremias Jesaias Bezuidenhout en Anna Catharina bezuidenhout (gebore Venter). Hy word in die Gereformeerde kerk, Potchefstroom, aangeneem in 1884. Op 5 Aug 1890 is Jeremia Jesaia in die Gereformeerde kerk Potchefstroom met die 17-jarige Susanna Elizabeth Jansen van Vuuren in die eg verbind. Hulle het 10 kinders verwek. Jeremia Jesaia was ook 'n boer op die plaaas Rooipoortje, Potchefstroom. Na die afsterwe van sy vader, Jan Adriaan Bezuidenhout, erf elk van Jan Adriaan se kinders ongeveer 140 Morg (120 hektaar) van die verdeelde plaas Rooportje 278. Susanna Elizabeth Jansen van Vuuren was ook afkomstig van die plaaas Rooipoortje. Tydens die Anglo Boere Oorlog (1899 -1902) was Jeremia Jesaia verbonde aan die Potchefstroom Kommando (Vaalrivier veldkornetskap). Hy neem deel aan die beleg van Mafeking, die Slag van Magersfontein (11 Dec 1899) en die Slag van Paardeberg (18 - 27 Feb 1900). Tydens die Slag van Paardeberg gee GEnl Piet Cronje met meer as 4 000 Boere aaan die Britse magte oor. Jeremia Jesaia, sy broer, Jan Adriaan, sy twee swaers, Stephanus Petrus en Gert Johannes Jansen van Vuuren, sy vader se broer, Barend Petrus Bezuidenhout, sy twee seuns, Jeremias Jesaja en Andries Cornelius en ander familie lede was onder die krygsgevangenis. Hulle was almal afgevoer na die eiland, St Helena, tot na die oorlog. Teen 1947 verhuis hulle na Germiston en word hulle lidmate van die Nederduits Hervormde Kerk, Primrose, Germiston. Hulle was woonagtig te Walnut st 6, Primrose, Germiston. Jeremia Jesaia sterf of 19 Jun 1954 in die Algemene Hospitaal, Germiston en word begrawe te Primrose begrafplaas. Hy was 88 jaar oud.