Follow Us
Like Us
About Joubert Conradie
Joubert Conradie (1970 – 2017)
Brief overview:
Joubert (47) and Marlene Conradie (40’s), Hannes (15), Jane (11) Marlene woke up around 01h30 to sound of intruders breaking in, Joubert got up to investigate, shot several times, passed away during surgery.
Brief Biography:
- The Victim and Family
- The Farm/Smallholding
- Uitkyk wine farm
- The Region (Land disputes, other incidents etc.)
Attack Details:
- Date and time of attack
- 23/10/2017 (01h30)
- Weapons
- Firearm
- Items Stolen
- Nothing
- Investigative officer/SAPS Case No:
- Torture, Gratuitous violence
- Indications of Hate Crime? Threats etc.
Perpetrator details:
- Number and Descriptions
- Arrests
- Name/s and age/s of Perpetrator/s
- Country of origin of Perpetrator/s
- Trial/Conviction
Additional Biographical Information:
JOUBERT CONRADIE BEGRAWE – ‘N GEMEENSKAP EN ‘N VOLK BRING HULDE
Daniel Lötter Front Nasionaal Suid-Afrika
Joubert Conradie, die 47jarige boer van die plaas Uitkyk by Klapmuts, wat Dinsdagnag in sy huis vermoor is deur plaasaanvallers, is vanoggend begrawe vanuit die NG Kerk Suider-Paarl.
Reeds sowat ‘n halfuur voor die diens was die kerk stampvol met mense wat alle beskibare sitplekke volgemaak het en talle wat in die portale en langs die mure van die kerk staan plek gevind het en self van buite by die vensters gestaan het. Voertuie van heinde en verre het vir straatblokke ver om die kerk in die woonbuurt Courtrai gestaan. Die leerders van die Paarl Hoër Jongenskool en Hoërskool Paarl Gimnasium, almal in skooldrag, het hulle sitplekke afgestaan en weerskante van die kansel op die vloer gaan sit.
Die diens het om 11:00 begin toe die kis met Joubert se oorskot die kerk ingedra is en sy broer se dogter, Carla, ‘n lied gesing het. Die diens is gelei deur ds George Conradie, ‘n familielid van Joubert. In sy openingsgebed beskryf hy Joubert as ‘n kaalvoetseun, ‘n briljante boer, ‘n mens met ‘n goeie hart sonder aanstellerigheid. En hy sê dat enigiets wat hieruit kan spruit om dit wat daagliks in hierdie land afspeel wêrelwyd bekend te maak, sal van die Here kom. Ds Conradie bid om wysheid vir Suid-Afrika, genade en vertroosting vir almal wat al hierdie pad moes loop wat die Conradies nou loop. Hy bid dringend dat ons krag sal ontvang om aktief te raak, aktief deel te neem en aktief die krisis in die land te pak na die voorbeeld van aktiewe optrede van Christus.
Na sy skriflesing uit Jesaja 43:1 sê ds Conradie (wat ook ‘n pastorale sielkundige is):
Wanneer ‘n mens verlies ervaar is daar 5 stappe waardeur jy gaan: 1) Ontkenning van wat gebeur het. Hy noem dat dit hom diep bekommer oor hoeveel van ons mense eenvoudig in ontkenning leef oor wat in hierdie land gebeur 2) Ons word kwaad, daar is woede en agressie 3) Daarna volg onderhandeling met God, emosionele beloftes 4) Depressie is die vierde stap. 5) Uiteindelik volg aanvaarding, by sommige mense kom dit nooit
Ds Conradie sê dat hy self vandag iewers tussen ontkenning en woede ronddobber.Hy is woedend oor die sinloosheid van wat gebeur het, oor Hannes en Jana wie se pa nie meer ‘n braaivleisvuurtjie kan aansteek om hulle te bederf nie, oor Marlene wat die sekuriteit in haar lewe verloor het.Hy is kwaad oor Joubert se laaste woorde aan sy broer, Willie: “Boeta, help my…”
Hy is kwaad oor die werksmense op die plaas, waar daar altyd vrede en so ‘n goeie samewerkingsverhouding was, wat hulle mentor verloor het. Hy is kwaad oor die trane van ou Mollie wat Joubert as baba opgepas het, hom grootgemaak het en wie se grootste vreugde dit was om hom te bederf met ‘n soetigheidjie. Hy is kwaad oor Joubert se Sondagmiddagkrieketspel met sy seun, oor sy gasvryheid, sy glimlag, sy glasie wyn wat nou weg is.
Hy sê hy is kwaad omdat 3 manne gekom het in die nag, nie aangeklop het nie, maar ingebars het in Joubert se huis en met eiereg gesteel het wat vir hierdie gemeenskap so kosbaar is. Ons is kwaad oor ‘n briljante, geliefde en gerespekteerde boer wat kos op mense se tafels gesit het en wat nog besig was met nuwe planne om in hierdie nuwe seisoen nog meer kos te produseer op Uitkyk.
Nooit weer sal Joubert Conradie laataand kan sit en filosofeer oor geloof en landbou en politiek en sy kommer oor die toekoms van hierdie wye en droewe land nie, want hierdie land kon, of dalk WOU, Joubert nie beskerm nie. Die regering van Suid-Afrika het Joubert gefaal, maar as gelowiges weet ons, die Here is by ons. Ons het nie ‘n antwoord op die vraag: Waar was God Dinsdagnag op Uitkyk nie? Maar ons weet die Here sal ons nie versaak in hierdie vloed wanneer die riviere van boosheid oor ons volk spoel nie.
In sy slotgebed pleit hy dringend: “Here God, help hierdie land. Want so kan dit nie aangaan nie!”
ILSE
Joubert se suster, Ilse, lewer daarna ‘n sterk bewoorde huldeblyk waarin sy sê dat sy haar kon berus met die dood van hulle ouers, omdat beide ‘n vol en ryk lewe gehad het. Maar om vandag langs haar laatlamboetie se kis te staan is net verkeerd. Joubert was almal se trots, die hoofseun op Laerskool, die uitblinker op Elsenburg, die Provinsiale Krieketspeler…die man van die grond, die spil waarom sy familie en sy plaasgemeenskap gedraai het.
Ilse beskryf Joubert se dood as ‘n “teregstelling aan die hand van die skuim van die aarde, wat die nag ingehardloop het met die selfvoldane wete: Nog ‘n boer is vermoor.” Sy sê dat sy dit nie in haar hart vind om te vergewe nie, sy is te kwaad. In Suid-Afrika is goeie mense en slegte mense, en die goeies sit en wag om afgemaai te word deur die slegtes. Dit gebeur oor en oor en elke keer sê ons: Nou was dit genoeg. Ons weet almal die probleem lê in ons korrupte regering. Ilse sê dat sy dankbaar is vir mense wat bid en optogte met trekkers en bakkies reël, maar as hierdie volk nie nou gaan opstaan en daadwerklik optree nie, gaan ons die oorlog teen ons verloor. Sy sê Joubert het twee weke gelede vir haar gesê dat hy die gevoel het dat hulle gaan kom vir hom en derhalwe met sy rewolwer onder sy kopkussing geslaap het. Dit, sê sy, is oorlogstoestande. Sy pleit hartstogtelik dat leiers nou na vore tree en hierdie kwessie aanspreek, want dan alleen sal sy aanvaar dat Joubert se dood nie nutteloos was nie.
WILLIE
Joubert se ouer broer, Willie, bedank almal wat ondersteuning gebied het en noem dat ‘n onbekende skenker uit Miami, Florida, ‘n bedrag geld geskenk het wat die familie in staat gestel het om almal wat vandag die die diens bygewoon het, na Uitkyk te nooi vir verversings na die roudiens.
MARLENE
Marlene Conradie beskryf haarself as die “stil enetjie in die familie.” Joubert was die geselser en die joviale man, maar vandag, sê sy, wil sy praat. Net soos wat sy Dinsdagmiddag met die media gepraat het. Uitkyk behoort sedert 1963 aan die familie. Daar het Joubert se pa en later hyself ‘n tuiste geskep vir hulle gesinne. Sy weier om haar en haar kinders te laat intimideer om pad te gee van hulle tuiste af. Sy is woedend oor wat gebeur het, maar sy sal op die plaas bly en doen wat haar man van haar sou verwag.
HANNES
Joubert se 15jarige seun, Hannes, deel met die begrafnisgangers die ontsettende belewenis toe hy Dinsdagoggend in sy koshuiskamer wakker gemaak word met die boodskap dat sy pa geskiet is, die jaagtog na die hospital in Stellenbosch en die boodskap dat sy pa dood is. Sy emosies oorweldig hom en hy kan nie sy huldeblyk voltooi nie.
Na ‘n treffende slotgebed en die uitspreek van die seen word die kis by die kerk uitgedra.
Joubert Conradie se oorskot sal later in ‘n private familieseremonie te ruste gelê word.
https://www.facebook.com/RapportWeb/photos/d41d8cd9/10155788060883895/
Links to Media articles:
view all
Joubert Conradie's Timeline
| 1970 |
April 25, 1970
|
||
| 2017 |
October 24, 2017
Age 47
|
Uitkyk wine farm, Klapmuts, Cape Winelands District Municipality, Western Cape, South Africa
|