Lars Halvorsen Myklebust

Ved skiftet etter Kristoffer Andersson Strand (1754) var Else Gunnarsdtr. g. med Lars Sundal. I følgje bygdeboka var Lars Halvorson brukar på Sundal 1742-1756. Ein Halvor Herjesen hadde vore brukar til 1733, kanskje kan dette vere faren? Under Myklebust står det at Lars Halvorson var brukar der 1768-1787, og at han døydde i 1768. Men det rette er at det er sonen, Halvor Larsson som var brukar (av 18 m.) frå 1768, jf. bygselbrev og sjeleregister 1781. Skiftet etter Lars Halvorson Myklebust viser at han var g. med Else Gunnarsdtr., og ein kan dermed slå fast at det er snakk om den same Lars Halvorson som tidlegare hadde vore brukar på Sundal.

Lars Halvorson hadde vore eigar av 6 m. i Myklebust som han skøytte frå seg i 1764. (Sjå her).

I følgje bygdeboka hadde Gjert Larsson vore brukar på Myklebust 1757-1766, dette er vel son til Lars Halvorson? Ved skiftet etter Lars (1768) var han soldat i København. (Då Pernille Olsdtr. skøytte frå seg parten sin (12 m.) i Myklebust i 1764 var ho enkje. Kan det ha vore to brør som begge heitte Gjert?) Deretter skal ein Lars Nilsson ha vore brukar året 1767. Under Haugen er det nemnt at Halvor Larsson hadde vore brukar der 1755-1767.

• Lars Halvorson på Myklebust i militærrulle (1767): RA, Kommanderende general (KG I) med Det norske krigsdirektorium, E/Ea/L0519: 1. Bergenhusiske regiment, 1767, s. 319 - Fødd kr. 1706.
• Dødsfall (1768): Sogn og Fjordane fylke, Dale, Holmedal, Guddal i Fjaler (Ytre Holmedal), Ministerialbok nr. A 1 (1755-1778), Kronologisk liste 1768, Side 118, øverst til høgre på høgre side - Fødd kr. 1708.
• Skifte (1768): Sogn og Fjordane fylke, Svanøy birk i Sunnfjord, Skifteprotokoll nr. A 13b (1763-1772), Skifteprotokollside, Side 513b-514a, venstre side.

Ordlyden i skiftet tyder på at Else ikkje er mor til borna.