Lars Trondson Tveit

Lars var brukar på Tveit frå 1638 og brukte heile jorda der, 2 lauper 1,5 spann smør og 6 saueskinn. Av dette eigde han sjølv 1 laup, 1/2 spann smør og dei seks saueskinna. I 1657 fostra han ein hest, 20 naut og fem geiter, og i 1666 svara han i tiend 4 mæler.

Lars var ein velhalden mann og vyrd og velsedd i bygda. I 1680-åra var han kyrkjeombodsmann. I 1664 gav han ut av kyrkjekassa 1 rdl. til "Haldens Kirkes gjenoppbygging". Han let også Øystesekyrkja få ei større renovering. Såleis let han legga opp 5600 spon på nordsida av skipet og 1700 spon på korbrystet, og så let han kyrkja tjørebreda med 5 tønner tjøra og sette inn tre nye vindauge i skipet. I 1667 let han den nye presten hr. Elias få 8 riksdalar av kyrkjekassa for å dra til Bergen og søke sin collats. Dessutan hadde han etter "høye øfrigheds befal" late kosta eit nytt stort lås på kyrkjedøra, visstnok det same som framleis er å sjå på døra i Bergen Museum.

Lars er fleire gonger nemnd som lagrettemann.

GEDCOM Note

Referansenummer: MH:I1199 23 JAN 2014 20:53:39 15 JAN 2012 01:48:11

GEDCOM Note