Maria Magdalena Johanna Neethling

Sy was amper die skoonma van 'n beroemde persoon as dit nie vir 'n reeks tragiese omstandighede was nie.

Twee vooroorlede dogters van die egpaar Neethling ontbreek op hulle sterfkennisse (dis normaal aangesien die doel van ‘n SK die afhandeling van boedels is). Daarom het hulle voorheen nie Geni-profiele gehad nie: Henrietta Johanna (Etta) en Johanna Cecilia (Hannie). Hannie is histories belangrik omdat sy die verloofde van die beroemde ABO verkenner Danie Theron was en hy op sy aandrang langs haar begrawe is. Dit wys mens moet nie net op sterfkennisse staatmaak nie. Twee ander vooroorlede kinders, Maria Elizabeth en Hendrik Ludolph, word wel as "dead" aangedui.

Selfs tydens die oorlog het Danie sy geliefde se graf besoek as hy in die omgewing was. Daar is ‘n hartseer verhaal dat hy een aand aan die “tannie” (Maria) se venster geklop het met ‘n versoek dat sy ‘n krans moes maak en aan die eikeboom waar hy en Hannie mekaar die hof gemaak het moes hang, wat hy op haar graf sou sit. Die volgende dag sou 2 jaar na haar dood wees. Dis gedoen, maar dis nie afgehaal nie. Ook nie die volgende nag nie. Sy het nog ‘n krans gemaak. Ook dit het bly hang. Die nuus van sy dood sou hulle eers dae later bereik.

(Volgens https://www.walkervillesa.co.za/danietheron.html)

Ook tannie Maria sou nie die einde van die oorlog sien nie want sy is in die Johannesburgse konsentrasiekamp oorlede:

https://www2.lib.uct.ac.za/mss/bccd/Person/14591/Maria_Magdalena_Jo...

Grafsteen: https://graves-at-eggsa.org/main.php?g2_itemId=2254717

David Abraham Swanepoel