Mathias Sveinungson Vreim

GEDCOM Note

<p><p style="text-align: left;" dir="ltr">Vreim nordre, gnr. 25, bnr. 8, skyld 5.37 og bnr. 9, skyld 2.39</p></p><p><p>Mattis Sveinungsson fekk denne garden ved delinga i 1804. Han var fødd i 1796, så delinga blei vel ikkje sett i verk før etter faren var død i 1819. Denne nordvestre delen av det gamle Vreim hadde dei tidlegare kalla Øygarden, og det hadde visstnok i eldre tid vore ein plass der. Kanskje hadde ein del av Vreim lege øyde etter Svartedauden og derfor fått namnet Øygarden. Mattis Vreim kjøpte i 1839 også Forberg, gnr. 37, bnr. 8, som dottera Kari fekk i 1859. I matrikkelen frå 1838 fekk garden matr.nr. 33, løpenr. 81b med 3 dir 4 ort 2 skill, skyld. I matrikkelførearbeida frå 1866 er garden ført opp med 136 mål mest leirmold og ei Uta slåtte, og skog der dei kunne drive for 2 spdnetto i året. Dei kunne så 4 1.2 tn havre, 3.4 tn bygg, 1.4 tn kveite,4 tn poteter, og avle 27 tn havre,5 1.4 tn bygg, 2 tn kveite, 26 tn poteter og 90 skpd. høy. Dei fødde 1 hest, 7 kyr og 4 sauer. I 1875 såd de dei 1.2 tn kveite, 2 1.2 tn bygg, 6 tn havre, 5 tn poteter, og dei hadde 1 hest, 11 kyr, 2 kalvar, 13 sauer og 1 gris.</p></p><p><p> Mattis Sveinungsson blei g.m. Tone Torkjellsdtr. Lindheim. Mor hennar, Kari, var elles frå Vreim. Omkring 1870 tok sonen Sveinung over. I 1869 kjøpte han av Halvor Vreim søndre, gnr. 25, bnr. 2, dei såkalla Vreim-slåttene ned mot Bøelva og ein del skog. Sveinung Vreim blei g.m. Gunhild Larsdtr. Jønneberg, og med henne blei han også eigar av Jønneberg, og dei sat svært godt i det. Dei hadde to born: Mattis og Gunhild. Mattis tok Jønneberg, og Gunhild,som blei g.m. Per Halvorsson Forberg, fekk Vreim. Dei tok over ved skøyte i 1910 for kr 26500. Dotter deira, Kari, fekk garden i 1938. Ho blei g.m. pastor Edgar Edvardsen frå Kristiansand. I 1951 arva dei også Jønneberg etter Mattis og Dordi Jønneberg. I 1974 seide dei garden til Sveinung Halvorsson Skocsom også eig Skoe, gnr. 34,bnr.l,der han bur. Kari Edvardsen, Vreim, og Halvor Skoe, far til Sveinung, var syskenborn. Sveinung fekk skøyte på Vreim frå 31.12.1974. Kari og Edgar Edvardsen seide også i 1980 Jønneberg til Olav Ulvenes på Forberg, bnr.8,son til Karis syskenbarn. Ingeborg Sveinungsdtr. Ulvenes. Edgar Edvardsen, som i 1945 blei g.m. Kari Vreim, er cand. theol, frå Menighetsfakultetet i 1932, og blei ordinert til prest i 1937. Han har vore særleg interessert i arbeid for born og ungdom. Da han budde i Kristiansand, var han såleis med og stifta Lunds kristelige gutteforening i 1934, Lund Bibelklasse i 1929 og Lund musikk-korps i 1934. Men da han kom til Bø, tok tilsynet med gardane mykje tid, og her ofra han seg for friare kristeleg arbeid, td. innan sundagsskulen og for dei gamle. Men han styrte og ledige prestekall både i Telemark og Aust Agder. Både han og kona var trufaste medlemer av Nedre Telemark prestelag, og han har i alle år vore medlem av studieringen for prestar i Nedre Telemark.</p></p><p><p>Den opphavlege eigedomen er bnr. 8, bnr. 9 er skogen, som i 1869 blei kjøpt frå søndre Vreim, bnr. 2.Garden har 196 da innmark . Det er mest flatt lende, og det er mold-, leir- og myrjord. Sveinung Skoe har brote opp ein del jord bort mot Vreim skule og grøfta heile eigedomen.Det er 750 da skog. Til Vreim høyrer Bjåen og 1.8 av Kvammen i Åmotsdal, som før blei nytta som stule for Vreim.Husestaden ligg opp under fjellet i den øvre delen av den dyrka marka. Mattis Sveinungsson var den fyrste som hyste her da han grunnla bruket. Av dei gamle husa stend bare stolbua att. Den underste delen av denne stolbua er svært gamal og skriv seg nok frå tida før nordre Vreim blei delt fyrste gongen i 1745. Denne delen må visstnok ha vore øvste delen av den stolbua som ein gong stod på Store-Vreim. Den underste delen stend på Vreim, bnr. 6. Det er skore inn årstalet 1637, altså på den tid da «Vreimsstugo» blei bygd. Det er skore inn og måla raude krossar, kanskje med blod. Resten avhusa er frå nyare tid. Stugubygningen blei sett opp av Sveinung Vreim i 1908,Per Vreim bygde uthuset i 1916. Paktarbustad blei bygd i åra 1940 - 1946. Den gamle smio stend. Det er svært mykje gamalt innbu på Vreim. Somt av dette er kome frå Jønneberg eller andre stader. Det finst såleis fleire framskap og andre skåp, eit skatoll, store kledeskister, eit ferdaskrin frå 1788, fleire store trebollar og ei gamal, innført stuguklokke. Alt dette skriv seg frå 1700-talet eller fyrste halvdelen av 1800-talet. Kistene har original og interessant måling. På den ærverdige, gamle stolbua er eit utal av bruksting av alle slag, som var vanlege på ein gard før. Det er såleis trög i ulike storleikar, stavkinne, kjerald til ymse føremål, tresil, smørbytte, gamal kaffikvern og mykje anna. Lettingssleden manglar heller ikkje.</p></p><p><p>Bø - Soga II. Gards og Ættersoge Band III på side 342 - 345.</p></p><p><p>Kopiert av Jan Gunnar Haugen 27.1-2014.</p></p><p><p> </p></p><p><p style="text-align: left;" dir="ltr"> </p></p><p style="text-align: left;" dir="ltr"> </p>