Petter Olaus Jørgensson Almeskar

Petter Olaus Jørgensen Almeskar f 1887 d 1946 g 1923 Anne Marie Berntsd. Blindheim, Løvoll (1891-1968) Br 1923-1946, enkja til 1961 Born: 1. Jørgen Karsten f 1924, p br 2. Bernt Hjalmar f 1925 d 1941 3. Jon Oskar f 1931 d 12/7 1959 Petter Olaus var i Amerika frå 1906 til 1911, mest i Polson-campane i staten Washington. Han fekk skøyte på bruket med hus, naust i Søvik, kvernhus på Løvoll og sel på setra for 2000 kr. Kår. Fram til 1929 dreiv han sjøen ved sida av gardsdrifta. I 1923, ei uversnatt i februar, bles stabburet ned, og vart året etter bygt 302 302 opp att på same tomta. Stovehuset vart utvida og fornya i 1924. Bygde nytt sel i 1929 og nytt naust i 1930. I 1936 bygde han ei løe fremst på bøen for å avlaste løa på tunet og for å få lagerplass til kunstgjødsel og reiskap. Store utmarkslætte høyrde til garden, og 3 utslåttløer vart fylte med småhøy og lauv som vart heimkøyrt om vinteren. Først i 1943 slutta dei med småhøyslått. Petter Olaus dreiv mykje med tilverking og sal av famneved. Dette kan tene som døme på kor dei måtte slite for kronene så seint som kring 1930. Det var først å hogge trea og kviste dei, og så få dei fram til stader der ein kunne nå dei med hest og slede og få dei til gards. Så var det å stå i dagevis og sage og kløyve. Veden vart så køyrd den 3 km lange vegen på vinterføre til sjøen, og der lødde dei veden opp i naustet. Om våren kom der så båtar, mest frå Øyane, for å kjøpe ved. Så var det å bere veden om bord i båtane i kaser på ryggen. Vaksnekarane stod for beringa, og kvinnfolk og ungar lødde i målet og fylte kasene. På Almeskar tok dei ut 20-30 famnar for året. Etter alt dette slitet fekk dei 9 kr. pr. famn kring 1930. Siste året Petter Olaus levde var og siste året dei truska (med vasskraft). Sidan var der inga korndyrking. Sonen Jon Oskar reiste til sjøs i 1953. Var i utanriksfart som tømmermann. Omkom utanfor kysten av Brazil 12/7 1959. Jørgen Karsten Pettersen Almeskar f 1924 g 1965 Oddny Alnes frå Godøy f 1921 Br 1961-1965 Jørgen har gått fylkesskule og jordbruksskule. Var med på gardsdrifta før han tok over åleine. Kjøpte mjølkemaskin i 1957, bygde nytt reiskapshus i 1960 og kjøpte traktor i 1961. Starta minkfarm i 1960 i lag med Bjarne Løset og Kåre Søvik. I 1965 flytte han frå Almeskar til Alnes og har budd der sidan. Har lenge vore kontrollassistent i Giske kommune. Sidan Søviksdalsvegen vart omlagt til nordsida av Lillevatnet, kom vegen mykje nærare Almeskar. Og ikkje langt frå den nye vegen har Jørgen teke til å byggje nytt hus. Han har planar om å flytte tilbake til Almeskar. Jørgen er interessert i slekt og tradisjon. Han fortel at der på garden enno er eit par gamle våpen, ein kårde og ein hellebard. Dette er truleg dei som vart nemnde i eit skifte i 1746. Sjå Ole Jakobsen Almeskar. Jørgen fortel og at kring 100 m frå hovudtunet skulle der etter tradisjonen bu ei gammal taus (ugift kvinnfolk) som heitte Astri. Restar etter husmurar syner enno, og like nedafor dei var ein åker som enno vert kalla Astri-åkeren. Denne Astri har det til no ikkje lukkast å finne noko meir om. Det vert fortalt at ho hadde ei 2-3 geiter. 303 303 B