Stephina Maria Aletta Preller

𝐕𝐚𝐧𝐝𝐚𝐠 𝐢𝐧 𝐝𝐢𝐞 𝐠𝐞𝐬𝐤𝐢𝐞𝐝𝐞𝐧𝐢𝐬

𝟏𝟒 𝐒𝐞𝐩𝐭𝐞𝐦𝐛𝐞𝐫 𝟏𝟖𝟔𝟐 – 𝐁𝐥𝐨𝐞𝐝𝐬𝐭𝐫𝐚𝐚𝐭, 𝐏𝐫𝐞𝐭𝐨𝐫𝐢𝐚, 𝐤𝐫𝐲 𝐬𝐲 𝐧𝐚𝐚𝐦

Op hierdie dag, ’n Sondagoggend, is Jacobus du Toit, seun van die bekende landdros AF du Toit van Pretoria en die kêrel van Stephina Maria Aletta Schoeman, dogter van kmdt-genl. SJ Schoeman, gewond. Die voorval het aan Bloedstraat in Pretoria sy naam besorg waar dit plaasgevind het. Die jong Du Toit is deur sy moeder met ’n boodskap na mev. Stephanus Schoeman gestuur, maar op pad daarheen is hy deur burgers onder Jacob Malan voorgekeer. Dit was in die dae van ernstige broedertwis in Transvaal en daar is menigmaal sonder oorleg opgetree. Du Toit het die bevel om stil te hou blykbaar nie gehoor nie. Daarom is daar op hom en sy perd geskiet. Hyself is in die skouer gewond en was later as gevolg daarvan gedeeltelik verlam. Hy kon gevolglik nie meer sy werk as messelaar en dakdekker behoorlik verrig nie. Die perd is in die voorval doodgeskiet. Die gebeurtenis het die jong Pretoria geskok – veral omdat die voorval tussen die eerste en tweede gelui van die klokke met kerktyd plaasgevind het – toe was ’n Sondag nog deur die Boerevolk geag en as dag van die Here gebruik om eredienste by te woon.

Vandag in die Geskiedenis 14 September 2021

Doop:

https://www.familysearch.org/ark:/61903/3:1:3QS7-99Z5-KW1K?i=27&cc=...