Завярша́ны[2] — вёска ў Камянецкім раёне Берасьцейскай вобласьці, за 1,5 км на паўднёвы ўсход ад аўтадарогі Берасьце — Каменюкі (Р83), за 600 м на ўсход ад левага берагу ракі Градаўка, за 17 км на поўдзень ад Камянцу, за 20 км на поўнач ад Берасьця, за 20 км на паўночны захад ад чыгуначнай станцыі Жабінка на лініі Берасьце — Баранавічы. Уваходзіць у Відамлянскі сельсавет.

Гісторыя

• сярэдзіна XV стагодзьдзя: кароль Казімер запісаў 6 душ у Завяршанах Лявону Шалолічу.
• 2-я палова XIX ст.: вёска ў Турнаўскай воласьці Берасьцейскага павету Гарадзенскай губэрні Расейскай імпэрыі.
• 1857: паводле 10-й рэвізіі ў вёсцы 297 рэвіскіх душ, у складзе маёнтку Чарнаўчыцы, уласнасьць Грабоўскіх.
• 1897: паводле перапісу 79 двароў, 569 жыхароў, хлебазапасная крама.
• 1905: 637 жыхароў, у карыстаньні сельскай грамады больш за 655 дзесяцінаў зямельных угодзьдзяў. Непадалёку знаходзіўся аднайменны хутар, уласнасьць памешчыка Міхаіла Грабоўскага.
• 1921: у складзе Турнаўскай гміны Берасьцейскага павету Палескага ваяводзтва міжваеннай Польшчы.
• 1923: 44 двары, 207 жыхароў.
• 1939: у складзе Берасьцейскай вобласьці БССР.
• 1940: вёска ў Турнаўскім сельсавеце Камянецкага раёну Берасьцейскай вобласьці, 96 двароў, 699 жыхароў, працавала пачатковая школа.
• 1942: нямецка-фашысцкія захопнікі расстралялі 5 мірных жыхароў.
• 1949: арганізаваны калгас «Чырвоная зорка».
• 1950: 82 двары, 314 жыхароў.
• 1954: у Відамлянскім сельсавеце.
• 1959: 259 жыхароў.
• 1970: 197 жыхароў.

Насельніцтва

• 2010 год — 45 жыхароў
• 2005 год — 69 жыхароў, 38 двароў[3]
• 1999 год — 67 жыхароў

Крыніцы

   ^ Белпошта

   ^ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 163

   ^ Гарады і вёскі Беларусі. Энцыкл. Т. 4. Кн. 2. — Менск, 2007. С. 46

Літаратура

   Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [%D1%96 інш.]. — Менск: БелЭн, 2007. — 608 с.: іл. ISBN 978-985-11-0388-7. С. 46—47.

Завершаны
Завершаны - деревня в Каменецком районе Брестской области Республики Беларусь.