Anders Andersson Riber

Anders Anderson Riber-Hereid fekk bruk nr. 1 Hereid utlagt som arv ved skiftet etter faren i 1688. Etter det han sjølv har fortalt i nokre oppteikningar i ein almanakk, overtok han brukerti 1689. Men i 1701 flytte han til Bru Rennesøy, og dreiv som forretningsmann. Han hadde m.a. fartøy og førde korn, sild og andre varer til Hardanger og omsette dei der. I Hardanger kjøpte han opp landsvarer, bord, bork m.m. som han omsette der sør.

I 1704 selde han garden på Hereid til svogeren Hans Audneland. Broren Per reiste då odelssak, sidan han meinte seg å ha sterkare rett til garden enn søstera, Anna Katrina, som var gift med Hans. Anders ville at søstera skulle ha garden, men broren Lars Vambheim støtta kravet frå Per. Anders og Hans gjorde då ein kontrakt som var slik at odelssøksmålet vart avvist.

Anders flytte frå Rennesøy til Ulvik i 1705, men flytte seinare derfrå att, truleg til Stavanger kanten. Dei siste opp teikningane om han er frå 1712. Det ser ut til at han har vore velståande, og det var vel handelen å takka.

Han vart første gong gift med Ingeborg Jonasdatter Rosen frå Strand i Ryfyke i 1691. Han vart 2. gang gift i 1705 med Marta Olsdatter Skaboe. (Sjå side 432 i gards- og ættesoge for Eidfjord).