Carel Dawid Wentzel Fourie, b6c10d8e1f8g8

CAREL DAVID WENTZEL FOURIE het JOHANNA ALETTA BRUWER ontmoet toe CAREL FOURIE met sy dorsmasjien getrek het en by verskillende mense gedors het. Hulle het verdwaal en toe so by Johanna (Hannie) se ouers se plaas uitgekom en Johanna (Hannie) het die deur oopgemaak. Carel het daar en dan besluit sy is die meisie vir hom en hulle is in 1913 getroud.

Dit was a spoggerige troue – selfs die perde was getooi in volstruisvere – en die verrigtinge het 'n week geduur! Carel was oor die 6 voet lank en Hannie het beswaarlik die 5 voet merk gemaak, en met haar nommer 3 skoene, was sy dus heelwat korter as Carel FOURIE. Toe hulle derhalwe vir die trou-fotos moes poseer, is daar 'n kassie aangedra, mooi versier met blare. Hannie is daarop staangemaak, sodat sy nie soveel korter lyk as haar lange bruidegom nie.