Cornelis Vrey, b2c8d10

Graf http://www.graves-at-eggsa.org/main.php?g2_itemId=717420

Cornelis en sy oudste broer, Daniël, het tussen 1860 en 1865 saam uit die Kaap Kolonie na Transvaal vertrek. Op 20 November 1865 het Cornelis en sy broer Daniël saam 'n memorandum onderteken waarin ontevredenheid uitgespreek word oor die optrede van die President van die Uitvoerende Raad en die Kommandant Generaal in verband met die veldtog teen Moshoeshoe en ook ander administratiewe regerings take. Hierdie memorandum is deur meer as 'n honderd burgers onderteken. Op 19 Januarie 1866 onderteken Daniël ook 'n versoekskrif waarin die regering gevra word om sekere wette en ordinansies voorlopig buite werking te stel totdat die volk die geleentheid gehad het om hulle daaroor uit te spreek (sien Volksraad notules Deel V 1854-1866). Daniël en Cornelis het op die plaas Holfontein in die Krugersdorp distrik gevestig.

Hulle jonger broer, Jan Tielman, heet eers na Natal verhuis, waar hy verskeie jare gewoon het, voordat hy ook na Transvaal verskuif het om op die plaas Vryheid in die Wakkerstroom distrik te vestig.

Gedurende die Anglo-Boereoorlog lê Cornelis sy wapens neer in Junie 1900 en bly op die plaas tot 23 Desember 1900, toe hy na die Johannesburg renbaan konsentrasiekamp geneem word. Later word hy na die konsentrasiekamp in Krugersdorp oorgeplaas. Gedurende 1900 het die Britte verskeie kere by hom op die plaas aangedoen om kos voorrade aan te vul. Die Britte het aan hom kwitansies vir alle items wat hulle geneem het, gegee. Na die oorlog eis hy van die burgerfonds vir 1 perdekar, 2 dubbel-harnasse, 22 osse, 16 sakke mielies (totaal 384 Britse pond), 639 bondels hawer, 20 sak mielies (totaal 31 Britse pond), 7 koeie, 4 beeste, 6 kalwers, 500 bondels hooi (totaal 169 Britse pond) en nog vele bondels hooi (200 Britse pond).

Britse Konsentrasiekamp : Krugersdorp

http://www2.lib.uct.ac.za/mss/bccd/Person/46694/Cornelius_Vrey/