Gard Toreson Underberge, II

Forsand II, Lagmannsætta s.88.

Gen. 1481-1508. Son til Tore III. Toreson Garå på Talgje Under-Berge. Her har me Gard-namnet att. Det kan tyda på at han heitte etter ein avdød farbror som vel skulle hatt garden.

Gard er hovudbrukar på U-Berge i 1519 og 1521. I 1519 skatta Gard "pro se et seruo"(for seg og tenar). I 1521 gav han meir enn 40 mark i skatt og var difor ein av dei store skattytarane.

Gard må ha vore ein eldre mann i desse skatte- eller botsmanntala. Det må me tru avdi han har ein "dreng" (det vil seia ein yngre brukar etter språkbruken den gongen) under seg. Denne drengen heitte Tore, og han må vel ha vore sonen hans. Gard hadde og ein annan underbrukar. Han heitte Osmund, og han er nemnd som den første av underbrukarane. Difor vil det vera rimeleg å tru at Osmund er bror til Gard. Osmund-nmanet er gammalt og godt kjent i Høgsfjord, og her ser me at det høyrde heima i Berge-ætta. For me må helst rekna med at alle brukarane på ein slik gammal gard høyrde til odelsætta.

Utanom desse to "drengene" var det i 1519 og ein mann som hadde ein part i garden og må ha vore brukar jamsides med Gard. Alt i 1521 er han kommen til Gøysa og var kanskje gift med ei enkje eller dotter der. Denne Halvar må truleg ha vore farfar til Halvar II. Toreson på Ø.Eiane. Utanom manntala i 1519 og 1521 er Gard ikkje nemnd i andre kjeldeskrift. Me har heller ikkje heile namnet hans, fornamn og farsnamn, nemnt nokon stad.

Born:

• a. Tore IV. Gardson U-Berge, f.1481.

  ---

• Reference: FamilySearch Genealogy - SmartCopy: Mar 13 2018, 23:59:41 UTC