Gjermund Anundson Gjedrem, d.y.

Gjerrmund Anundson er på Gjeitreim i Bjerkreim 1563. Han åtte då 1 pd. korn i garden, det same som sønnen Anbjørn. Gjermund måtte bøta (1567-rekneskapen) for to "Lurchslag". Denne Gjermund var truleg den fyrste i ei slektsgrein som også bur på garden i dag (bnr. 6).

Fleire eldre slektsgranskarar (m.a. Sig. Engen, 1984) har meint at Gjermund var son til Anund på Bjerkreim. Sjå Bjerkreim (1) for vid. oppl. om dei eldste, kjende personane i denne slektsgreina.

P. Valand skriv dette i gards- og ættesoga for Heskestad, u. Eikelandsdal nr. 12, og u. Hetland ne. (2) i boka for Helleland: Torkel Hetland nedre «synes å være flyttet til Gjeitreim omkring 1550 og er trolig far til Gjermund Gjeitreim, n. 1563». Korkje Engen eller Valand sine teoriar kan bevisast. Sjå og nr. 4 for vid. oppl. om Valand sine teoriar.

Nokre har og spurt seg om Gjermund var i slekt med brørne Tollef Gjermundson (Årrestad i Helleland 12) og Knud Gjermundson (Laksesvela 4)? Gjermund her på Gjedrem måtte i så fall vore far deira. Det kan ikkje bevisast. Slik sett kunne også Gjermund vore far til Henrik Gjermundson (Tysland 9).