Guillaume VI de Parthenay, Seigneur de Parthenay

Parents

Hugues, seigneur de Parthenay ca 1233-1270/ Valence de Lusignan, dame de Vouvant

Marriages: Marié avant 1275 avec Jeanne, dame de Montfort-le-Rotrou ca 1250-1291, dont Hugues †ca 1324 Létice de Parthenay 1275/- Jean †1358 Marie de Parthenay †1359/

Marié en 1295 avec Marguerite de Thouars, dont Guy de Parthenay

"Guillaume Larcevesque, chevalier, seignor de Partenay e de Vovant, e Girart Chaboz, vallet, seignor de Rays e de Machecoul, saluz en Nostre Seignor. Sachant toz que nous Guillaume Larcevesque desus dit, en la proloqucion dou mariage doudit Girart Chaboz e de Marie nostre fille, donames, otreames e assignames dès lores, e encores donons, otreons, asseons e assignons audit Girart, en mariage o ladite Marie e aus hers d'eux deus, sanz ce qu'elle en puisse rien doner, tant come il y et hers vivant de aux ou de lors hers, treys cens livres de annau e perpetuau rente, assize e assignée, c'est assavoir cent e cinquante livres de rente en port e sus le port de Saint Savenien e sus les rentes, essues e aventures de celui port, ensembleement o tot le dreit, destreit e seignorie que par reson desd. rentes non payées avendreyent ou pourreyent e devreyent avenir e commencera la percepcion desd. cent e cinquante livres de rente assizes sus led. port, à la prochene feste de Nostre Dame septembresche, par chacun an, à prandre e lever continueement doud. Girart ou de son commandement, par sa main, sanz ce que nous y puisson mestre empeschement par nous ne par autres, ne mectre serjant e cent livres en la rue Sauneresce de Taillebort, de rente, e cinquante livres de rente sus les bailliages de la chastelenie de Taillebort, o tot le dreit, destroit, justice e amentes que par reson desd. cent e cinquante livres non payées porraient e devraient avenir. Et est en la voulenté doud. Girart de prandre lesd. cent e cinquante livres, ou cent ou cinquante de lad. rue Saunèresce e desd. bailliages, en leus devisez ou sus les rentes doud. port, en.la maniere que les autres cent e cinquante livres de rente dessusd. sont devisées. E ericores donons, asseons e assignons dès orendreit aud. Girart par reson dou mariage davant dit, dous cenz livres de annau e perpetuau rente, assizes c assignées, c'est assaveir Boays Grolier, o ses apartenances, o tote justice, o tot dreit, o tote seignorie haute e basse, pour tarit que il sera trové que il vaudra, en assize de terre segunt la coustume dou païs, les ediffices des mesons, le sege du herbergement e les vergiers non contez en rente, e le parfet juques à la value desd. dous cens livres de rente en paage de Partenay, à avoir par la main doud. Girart ou de ses alloez, o tot le dreit e destroit qui par reson doud. paage non payé peut e deit avenir, ou au plus près si led. paagé ne peut souflire au parfet desd. dous cens livres de rente. E avons transporté en dit Girart la proprieté des dous cenz livres de rente desusd., retenu à nous le usefruit; nostre viage tant solement. E prandra led. Girart e recevra les homages qui par reson desd. leus de Boays Grolier sont deuz e pevent e doyvent avenir, retenuz à nous touz les emolumens e les profiz qui par reson desd. homages pevent, dôy vent avenir, tant corne nous vivrons e non plus. E si il avenoit que il eust deffault tant en troys cenz livres de rente desusd. que en dous cenz livres emprès nommées, ou que elles se depereissent par guerre ou en autre maniere, ou que elles ne vausissent tant, nous prometons e soumes tenuz à les parfere ès plus preuchens leus de là où le deffaut seroit trové. E volons e requerons que sanz connoissance de cause, nous puissons estre contrainz par la justice le rey ou par quelconque autre justice que led. Girart en voudra requerre, à acomplir les chozes desusd. e ne porrons riens alleguer encontre. E fut fet e acordé que l'assize e la assignacion e la reveue des troys cens livres de rente desusd., e des dous cenz livres emprès nommées, sera fete par Pierre le Clerc, dou Buignon, e par Pierre le Clerc, de Beauleu, lesquelz jureront à la fere bien e leaulment e à la acomplir dedanz la Tozsains prochene. E si il ou aucuns d'eux mouroit entre ci e là, lesd. parties en y metraynt un autre, de comun assentement, ou le baillif de Tourayne qui par le temps sera. Encore fut fet e acordé que lad. Marie, ou autre par non de le, porra avair e demander sa porcion, sa partie e tot son dreit qui li apartient e peut apartenir en l'eritage de madame Johanne de Montfort sa mère. Encores donames e donons e prometons à rendre e payer aud. Girart, par reson dou mariage desusd., mil livres de monnoie courant, c'est assavoir, einc cenz livres à payer à la feste de Tozsainz prochene avenir e les autres cinc cenz livres à l'autre feste de Tozsainz emprès ensegant, sanz nul maen por lequel payement desd. mil livres enteriner e acomplir, ès termes devisez, e que nous requerrons par nous ou par procurors soffizanz le roy de France de confermer par ses lettres totes les convenances dessusd., e que nous y acorderons, dedanz la Nativité saint Johan Baptiste prochene avenir, fumes tenu par le seirement de nostre corps, e y avon obligé nous e noz hers e noz successors e toz noz biens meubles e non meubles presenz e avenir, sauves e exceptez le doayre e les donoisons que nous avon fet à Marguerite de Thouars, nostre feal espouse, qui ne sont ne ne seront de riens obligées aus articles dessus nommez, enceys les en metons hors expressement. E totevoies si il avenoit que desd. rentes assizes e assignées aud. Girart o lad. Marie, si corne desus est dit, estoit rien detreyt, amenuysé ou apeticé, en tot ou en partie, par reson doud. doayre à lad. Margarite, ou par donnoison que nous li eussons fetes, ou par autres convenances ou resons, nous prometons aud. Girart e sommez tenuz,sus l'obligacion de toz noz biens, à li parfere, enteriner e asseir tant comme des dites chozes sereit detreit e osté ou defaudreit, au plus près desd. rentes assignées. E est assavoir que nous Girart Chaboz desusd., por cest dit mariage, asseons e assignons à lad. Marie por son doayre la tierce partie de tote nostre terre que nous avons e tenons e tendrons por nostre héritage ou conquest desja fet. Lequel tierz nous li asseons e assignons à Saint Estiene de Malemort e ès apartenances, le chasteau non compté en rente, excepté la fourest où elle ne prandra mès son usage à mesonner e à chauffage, e en ses usages necessaires oud. chasteau e ou herbergement doud. chasteau. E si el aveit her de nous dit Girart, elle porra chacer e fere chacer en lad. forest, ès cers, dès la Magdelene juques à la Sainte Croiz de septembre, e en porchoi voulons que il li soit parfet en l'isle de Boign, e si nostre terre de Boign ne soumseit, aus plus preis de Saint Estiene. E si il aveneit que les chozes desusd. se deperoissent par guerre ou par aucuns cas d'avanture, lad. Marie prandreit par tout son doayre e son tierz sus tot ce qui demorroit, segont la coustume de la terre. E à totes cestes chozes desus dites e à chacune de elles e en lor maniere, tenir, garder, enter iner e acomplir en touz articles, sanz venir encontre par nous ne par autres, nous Guillaume e Girart desus nommez, avons obligé e obhjons l'uns à l'autre, nous e noz hers e noz successors, e toz noz biens meubles e non meubles presens e avenir, quels que il soient e avon juré à tenir e à acomplir totes les chozes desus dites e que jamès ne vendrons encontre e voulons que nous ne soions creuzà à dire ne à alleguer que cestes convenances ayent autrement esté fêtes que elles sont ci contenues e escrites, ne de chozes de nous dyous~ contre ta tenor e tasu lé dou seyau dont l'en use por le rey à Fonteney. E avon renuncié en cez fez, sus la vertu desd. seiremens, à toute aide e à tot benefice de droit escrit e non escrit, e à tot privilege de croiz prise e à prandre, e à toz statux, gracez e indulgences fez e à fere, otroyez e à otroyer, de pape, de rey e de toz princes, e à totes excepcions de fraude, de lésion, de barat e de tricherie, e à totes allegacions, resons de dreit e de fet, e à tout droit disant generau renunciacion non valoir, e à totes les chozes par quoy cestes convenances e la tenor e la substance de cestes lettres porroient estre viciées, cassées ou mainmises, en tout ou en partie. E requerons e sopleons à Pierres de Beauleu, chastelein de Fonteney, à ce especiaument envoyé de mestre Hugues de la Boyssiere, clerc le rey, e portant le seau dont l'en use por le rey à Fonteney, estre jugez e condempnez par la court le. rey sus totes les chozes desusd., e led. seau de Fonteney estre mis en cestes presentes lettres. E nous Pierres de Beauleu davantd., jujeons par le jugement de la court nostre seignor le rey e condempnons les dessusd. monsour Guillaume e Girart, aux (sic pour eux) presens e à lor requeste, à enteriner e acomplir totes les chozes desusd. en toz articles. Tesmoings à ce apelez monsour Guy, viconte de Thouarz (Guy de Thouars), monsour Guillaume de Saint Vincent, monsour Hervé Jocelin, chevaliers, Johan Gaudin, clerc, e dom Denis de Vovant. E nos Hugues de la Boissere davantdiz, avanz fey à la relacion doud. Pierres nostre commissaire, e aprovanz e confermanz le jugement e la condempnacion dessusdiz, sellames cestes lettres dou seyau nostre seignor le rey, dont l'en use à Fonteney, en tesmoign de verité. E en plus grant tesmoignage, nos Guillaume Larcevesque e Girart Chaboz desus nommez, avons mis noz seaus en cestes presentes lettres, ensembleement o le seyau nostre seignor le rey de sus. Ce fut fet e donné le mardi avant la Sainte Margarite, en l'an de grace mil e dous cens e quatre vinz e dez e neuf." http://gallica.bnf.fr/ark:/12148/bpt6k209497v/texteBrut Ch. Faucherand, 27 vii 2015. Sources: - personne : H.deRiberolles(base Frebault), C.Saint-Félix (Frédéric Morvan "La chevalerie bretonne...") 2xii2012, C.Faucherand (rectification du patronyme au vu du contrat de mariage de sa fille Marie, en note) 27 vii 2015 - famille 1 : H.deRiberolles(base Frebault + wikipedia)

http://roglo.eu/roglo?lang=fr;i=3349936