Håvard Henrikson Steinnes

• Finnøy gards- og ættesoge band I side 275 nr. 7.1

Finnøy gards- og ættesoge band I side 275 nr. 7 Henrik Pederson Hebnes 1632 - 1660-åra. F. ca. 1608 (56 år i 1664). Dødsår ikkje kjent. Gift 1632 Anna Ellingsdtr., enka etter nr. 6. Henrik Pederson var lagrettesmann frå 1635 og i alle fall til 1669, han fungerte som lensmann frå ca. 1650 til 1666, og han var ombodsmann for kyrkja 1648 - 1649. Seglet hans finst på fleire dokument. Siste gong vi møter han som lensmann, var i 1666 då han var til stades ved synfaringa etter den store brannen på Hesby. Som lagrettesmann og lensmann var han til stades på dei ordinære tinga i skipreida, og desse tinga vart vanlegvis haldne på lensmannsgarden. I 1635 vart Henrik sjølv stemna inn til tinget for å ha nekta skyssferd. I 1645 betalte han koppskatt for seg, kona, ein dreng og ei tenestegjente. Born:

1. Håvard f. ca. 1640 (24 år 1664). Neste brukar.
2. Peder f. ca. 1640 (24 år 1664). Dersom innføringane 1664 er rette, må dei vera tvillingar, men dette har vi ikkje kjelder til å kontrollera. Peder var gift med Dorte, søster til Erik Roda. I 1665 vart Erik Roda stemna av Henrik med krav om 10 rdr. som han - Erik - hadde lova søstera si, ein lovnad som ikkje vart innfridd. Henrik tilbaud seg å betala dei 10 rdr. dersom sonen kunne <<nyde jord paa Rode>>. Erik vart dømd til å halde lovnaden sin, men det er usikkert om Peder fekk jord på Roda.
3. Malena fødselsår ukjent. Gift Belest Belestson Lauvsnes. Brukar på Lauvsnes.
4. Ingrid. Fødselsår ukjent. Ingrid Steinnes vart 1679 gift med Laurits degn, truleg Laurits Hesby. Hans kvinne vart introdusert 1680 19.01. Det kan vera deira dotter Margreta som vart gift med Erik Sæbjørnson (Nådå, brukar nr. 9), men i så fall må alderen som er oppgjeven då ho døydde 1752 (77 år), vera feil.