Halvor Håverson Espedal

Bjerkreimboka, bind 2, Vikeså, s 944: Halvor Håverson, gift med ukjent kone, Anne eller Ågot. Halvor og kona døydde etter 1645. Halvor er nevnt på Vikeså i 1612 saman med brorsonen Bjørn og i 1624 saman med Bjørn og Peder. Halvor var og brukar her i 1645 saman med Bjørn og son hans, Ingebret.

Halvor var lagrettemann mange av åra mellom 1613 og 1643. Han var vitne i sak på Svela store i 1622, på Berland i bygda i 1635 og på tinget 1642. I 1642 fortalde han at han tente på Veen om lag 50 år tidlegare. Etter dette var nok Halvor minst 64 år gamal i 1642.

Halvor vitna og i ei sak på tinget 8.11.1644 mellom Veen og Espeland om området Svines. Han sa då at han tente på Vee for meir enn 44 år sidan.

Halvor og Gard Villasson Vikesdal var vitne i sak om sal av hestar. Det var Ivar Øsvold som hadde stemna Tørres Kyland til tinget i Bjerkreim 28.1.1630.

Me kjenner i alle fall fire søner til Halvor og kona. Torger f kring 1604, budde på garden; Ole f kring 1612; Håver f kring 1620; Torkel f kring 1620, budde på garden; jakob f kring 1629; Guri gift før 1630; jente, budde i heimen 1645.