Lars Kolbeinson Herheim

Svein Løland skriver på sine slektsider:

Lars Kolbeinson, son av Kolbein Erikson og Helgesdotter, vart fødd i 1619 i Fløgstad, Sauda, Rogaland, NOR og døydde i Fløgstad, Sauda, Rogaland, NOR. Eit anna namn for Lars var Laurs.

Ola Helgeson overtok bruket på Herheim etter faren og er nemnd frå 1632. Han bruka Herheim saman med systersonen sin Lars Kolbeinson. i nærare 20 år. Men hausten 1668 stemna Ola systersonen sin på bunestaden. Ola meinte seg å vere den næraste til å bruka heile Herheim. Lars kunne legga fram ein bygslesetel på 2 pund og 6 merker smør, men Ola meinte at Lars hadde sitt rette åsete og sin rette bunestad i Fløgstad, som sant var. Og den smørlaupen i Fløgstad som Lars var odelsmann til, var nå ledig sidan stefaren hans, Anders Erikson var død. Lagretten på skipreidetinget gav Ola medhald og Lars skulle reisa frå Herheim til våren 1669. Han skulle ta stova si med seg. Ola skulle gje han 10 riksdalar i avførsle.

I 1666 er Lars Kolbeinson nemnt som eigar av 2 pund 16 merker smør i Fløgstad og 20 merker smør 8 spann tak i Løyning. Ei tid er han også ført som eigar av gods i Bakka og Herheim. Ellers veit me ikkje så mykje om han. Kona kjenner me ikkje. Gjennom eldste sonen Erik Øye vart han ættefar til nokre av dei mest velståande bøndene i Sauda på 1700-talet, nemleg Torkjel Pålson Ytre Birkeland og sønene hans Ola og Pål.

Lars var framleis i live i 1688. Då var eldste sonen alt gift til Øye, og andre sonen Torbjørn truleg reist frå bygda. Det vart difor yngste sonen, Kolbein som kom til å ta over etter Lars då han døydde ikkje lenge etter. I bygdebøkene for Skånevik står det under garden Årtun at Viar Olson Årtun saman med to svograr i Sauda i 1693 skøytte "deres Hustruers anparter" i Fløgstad til svogeren Kolbein Larsson Fløgstad. Viar må ha vore gift med ei dotter til Lars. Kona til Lars Kolbeinson er ukjent, men det skulle då vera kjent tre døtrer og tre søner etter han. Dei gifta seg cirka 1649 i Sauda kyrkje, Sauda, Rogaland, NOR.

Han finst i 1664 i Herheim, Sauda, Rogaland, NOR. 46 år.

Lars var fra Fløgstad, og bodde en tid på Herheim før han flyttet tilbake til Fløgstad.

Han stod seg godt.