Ole Knutson Gardar

GEDCOM Note

<p>GARDAR</p><p> </p><p>1794 Her blei det son nr. 2, Ole d.y. som tok over garden da han gifta seg i 1794. Han betalte 290 rdl. For å løyse ut syskena lånte han 300 rdl mot pant i garden. Långjevaren var Hersleb Essendrop.</p><p> </p><p>Under folketellinga 1801 budde framleis Knut Knutsson heime. Han var innrullera i hæren og gjorde tenest som underoffiser. Uta-nom bonden med huslyd budde tre arbeidsfolk i Gardar, to tenestjenter og ein eldre kar. Av rekneskapsboka åt kornmagasinet går det fram at Ole Knutsson dei fleste åra greidde seg med eige avla korn.</p><p> </p><p>Sølvskatten i 1816 betalte Knut med 15 spd 1 ort. Matrikkelen 1819 peikar på at garden had-de rettar i sameiga i samsvar med skylda 6 skinn, her var skort på skog. Jordvegen var lettvinn å drive.</p><p> </p><p>Men nokre år etter (1827) losna ei veldig jord- og steinskrie oppe i Tveitåsen under eit langvarig og sterkt regnver. Skria grov ein djup bekkedal lengst sud på Øvre-Tveitjordet. Ein som sto på Tveiten og såg, fortalde etterpå at skria hadde slik fart at mykje stein først stansa mot østre strandkanten åt Lågen ned for Gar-dar. Svært mykje stein og jord blei lagt opppå Søre-Gardar sitt jorde. Til dels var det veldige steinar. Garden blei såleis sterkt skadd, for også dyrka jord blei urda ned. Det kravdes mykje arbeid å få eigedomen i skikk att. Framleis syner den djupe bekkedalen i Tveiten og store steinar på Tveit- og Gardarjordene kvar skria gikk.</p><p> </p><p>Det er vanskeleg å gjera seg opp eit bilete av Ole Knutsson Gardar. Han var av dei som ofte møtte i forlikskommisjonen. Somme tider var han sjøl stemnd for di han sto til rest med gjeld. Andre tider var det han som stemnde folk som sto sjøl til rest. Etter som åra gikk, blei detmest av det siste. Summane auka med åra.</p><p> </p><p>Det er ikkje mogeleg å gå inn på all denne krangelen. Ein tek berre med eit døme frå for-likskommisjonsmøte 7. mai 1813, sak 3:</p><p> </p><p>Ole Knutsen Gaarder klaga at Thore Reier-sen Møgstue skuldar han 350 rd. - Klagaren møtte personleg, og for Thore Reiersen Møg-stue møtte Knud Nielsen Kjemhus. Forlik: Knud Nielsen Kjemhus gjekk inn som debitor for Thore Reiersen og han plikta seg til å betale desse 350 rd. Dessutan var Knud N. Kjemhus skuldig 150 rd til Ole K. Gaarder, så heile summen vart 500 rd D.C. Halvparten, 250 rd skulle betalast til Kongsberg sommarmarknaden d.å. og den andre halvparten til Mikkelsdag d.å.</p><p> </p><p>Ole blei elles ein del nytta som verje for umyndige, og det ser ut som han var både en vaken og tiltakssam, men kranglesjuk mann.</p><p>Han og Liv Knutsdotter hadde desse barn </p><p> </p><p>Kari, V, f. 1795, g.m. Jon Peders. Fjøseeiet f. 1793, fl. til Halden 1844.</p><p>Jøran, f. 1798, d. 1874, g.m. Tore T. Bjørkgarden n., f. 1794.</p><p>Ragnil, f. 1801, d. 1883, g.m. Nils Anundson Bjørndalen, f. 1800.</p><p>Knut, f. 1805, d. 1880, ugift, død i Gardar- -føderåd.</p><p>Helga, f. 1808.</p><p>Ingeborg, f. 1812, g.m. Herbrand N. Myran, Nore.</p>Ole, VI, f. 1815, g.m. Kari Larsd. Kvisle f, 1819. utv. USA 1842. N. årbok 1919.