Ole Nilsson Sæbø

Ola Nilsson Sæbø var fødd 1803 og vart gift 1827 med Sitona Albrektsdotter Askelund, Balestrand, dotterdotter til gastgjevar Gjert Falk i Balholm. Ola Sæbø og kona hadde desse elleve borni:

1. Nils f . 1827
2. Kristine Marie f. 1828
3. Karen f. 1829
4. Gjert Falk f. 1831
5. Sitona f. 1834
6. Hansine f . 1837
7. Anders Tuchsen f. 1842,
8. Peter Andreas f . 1844
9. Jensine f. 1846
10. Olina f. 1849
11. Fredrike f. 1851

Hansine vart i 1860 gift med J ohannes Andersson Sæbø, og Peter Andreas vart i 1877 gift med Brita Sjnrsdotter Stavedal. Sitona døydde 20 år gamal, og Andreas drukna. Foreldri deira budde dei siste åri på Tenål. Ola Nilsson Sæbø kjøpte seg eit bruk i Bjordal i Kyrkjebø, var der ei tid, men flytte sidan inn att til Vik. Bruket i Sæbø seIde han til Nils Flom frå Aurland, som då budde på Hopperstad.

Kilde: BYGDABOK FOR VIK I SOGN III, Andre halvband, Skriftstyrar OLAV HOPREKSTAD, Utgjevar er Nemndi for Bygdabok, 1958, BOKTRYKK L/L – BERGEN, s. 336

---

Tidleg handel og gjestgiveri i Vik Frå gamalt av var det livleg handel mellom kyst- og innlandsbygder i Vik: Folk frå Voss - særleg frå Myrkdalen på Vossestrand og Jordalen - handla salt, fisk og sild i Vik. Den første registreringa av handelsmenn i Vik er frå 1659. Då er det nemnt to handelsborgarar i bygda; Jon Robertsen frå Kirkwall på Orknøyane og Jens Rasmusson frå Holstein. Begge dreiv handel i Vik i omlag 10 år. Den første gjestgjevaren i Vik var Per Klokkar i 1659. Gjestgjevarløyvet vart frå 1725 disponert av ein annan klokkar, den danskætta Mads Hansen Sæby (1640-1734), og fylgde hans slekt i fleire generasjonar. Slekta skifta namn frå Sæby til Sæbø. Dei hadde også handelsløyve. I 1812 overtok den første bondeguten frå Vik, Nils Olson Åse, som handelsmann og gjestgjevar i Vik. Han tok etternamnet Sæbø og var inngift i dei velståande Daae og Tuchsen-slektene, som hadde store jordeigedomar i Vik, og det var kona Christine Marie Tuchsen som styrde både handel og gjestgiveri. Sonen Ola Nilson Sæbø selde i 1833 handelen og gjestgiveriet til bergensaren Jens Boalth Wallentinsen. Han hadde gard på Hove med eit staseleg bustadhus der det var utanlandske bilettapetar på veggane. Dette huset vart i 1890 selt og flytta til Vange, der det vart gjenreist i enklare stil, og tapeta gjekk tapt. Det var i ein bakaromn i Jens Boalth Wallentinsen sin butikk at storbrannen som gjorde 333 vikjer huslause i 1838, starta (sjå Ulukker i Vik). Wallentinsen hadde teke til å byggje opp att gjestgjevargarden som eit hotell, men bestemte seg i 1847 for å flytte tilbake til Bergen. Han selde det halvferdige hotellet til svogeren Ole Andreas Hopstock frå Risør - og resten av historia finn du under Hopstock Hotell.