Osmund Nilson

Osmund på Hille var nokre stemnd til tings, først i 1686 fordi han hadde fiska på Vårfruedag i fasten, det var helgabrigd, og han måtte bøta 3 mark sølv. Så vart han stemnd av Østen Andal i november 1690, for å ha hogd 12 tre i Andalsskogen. Osmund svara at det berre var 9 tre, som han hadde hogd på sin eigen grunn. Det vart då "Aastedssag", og skogskiftet mellom Vorland og Andal vart stadfest på nytt.

Omund er nemnd som lagrettemann i 1690, 1706 og 1712.

Omund bygde nye hus på vestsida av Tunhogjen. Løa hans sto heilt i sørvest, på Løhogjen.