Susanna Strydom

h2 Johannes Gerhardus, *14.6.1893 (Willowmore) † 24.8.1958 (Kaapstad), Premier van Unie van Suid-Afrika, 1954-1958, x Margaretha van Hulsteyn, † 27.4.1970, aktrise Marda Vanne, geskei; xx (Fordsburg) 16.1.1931 Susanna de Klerk, *28.6.1910 (Aliwal-Noord) † 20.2.1999 (Pretoria), dv ds Willem Johannes de Klerk, 1875 † 1943, & Aletta Johanna van Rooy; [haar broer Johannes (Jan), pres vd Senaat & vader van pres FW de Klerk; sy xx Allen Kieser]

Source: The South African Family STRYDOM - b3c2d1e12

===============================

Hans Strijdom se vrou sterf

Source: 21 February 1999, Rapport

Deur MARIECHEN WALDNER: Pretoria

MEV. SUSAN STRIJDOM, voormalige premiersvrou, is eergister in die ouderdom van 88 jaar in Pretoria oorlede.

Sy was die gade van adv. Hans Strijdom, wat van November 1954 tot sy dood in Augustus 1958 eerste minister was.

Sy was 'n tante van oudpres. F.W. de Klerk. De Klerk se pa, sen. Jan de Klerk, was haar broer.

Mev. Strijdom is in Pretoria oorlede sowat anderhalfmaand nadat sy deur rowers op 'n sypaadjie in Kaapstad aangeval is. Haar heup is in die voorval beseer.

Die heup het nie ná die eerste operasie herstel nie en sy moes weer 'n heupvervanging ondergaan.

Sy is in die siekeboeg van die Harmoniehof-aftreeoord in Sunnyside opgeneem nadat sy 'n week gelede uit Kaapstad na haar tuiste in Pretoria teruggekeer het.

Nadat die heup weer probleme gegee het, is sy na die waakeenheid van 'n private hospitaal oorgeplaas.

Haar moed was gebreek, sê haar dogter, mev. Estelle Crowson. Sy het ná die aanval in die Kaap geleidelik al hoe swakker geword.

Die reëlings vir die begrafnis, wat waarskynlik Woensdag sal plaasvind, sal later bekend gemaak word, sê Crowson.

Mev. Strijdom laat haar dogter, drie kleinkinders en 'n agterkleinkind agter.

Haar seun, Gerhardus, is in 1993 aan 'n hartaanval oorlede.

Adv. Strijdom het sy vrou ontmoet op Nylstroom, waar sy 'n musiekonderwyseres was. Hulle is in 1930 getroud.

Sy was, volgens haar dogter, nie politiek ingestel en het nie graag toesprake gemaak het nie. Sy het haar man agter die skerms bygestaan.