Synneva Olsdtr. Sedalen

SEDALEN BRUK nr. 3

1776 skøyte til Nils Tomasson for 60 rdl. og kår til foreldra, Tomas Nilsson og Marta Andersdtr. Marta Andersdtr. døydde 1779, og i skiftet etter henne bad Nils om at systrene hans, Cecelia og Anna, skulle få like stor arvelut som han sjølv. Han hadde etter arvelova krav på " brorparten", dvs. dobbel så stor arvelut som kvar av systrene hadde. 1854 vart arvelova forandra slik at døtrene hadde krav på like stor part som sønene. Ein kan såleis seia at Nils Tomasson var før si tid, då han hevda at systrene skulle ha like stor morsarv som han sjølv. Arven som dei 3 syskena fekk til delings var 11 rdl. 5 mark 1 sk.

Nils 1750- 1831 gifte seg 1779 m. Synneva Olsdtr. Myster f. 1741. 1784 fekk Nils også skøyte på eit anna bruk i Sedalen. Han sat såleis som eigar og brukar på halve garden til han overlet dei 2 bruka 1807 til sønene Tomas og Jon.

Ved skiftet etter Nils 1831 vart bruttosummen i buet 125 spd. 4 ort 16 sk. Nettosummen var 97 spd.

http://vaksdalhistorielag.org/wiki/index.php?title=Sedalen