Åmund Johannesson Himle

Åmund var g. m. Torbjørg Larsdr. Fenno, var fyrst husmann i Moatråæ på Mo'o, kjøpte 1793 Lae og bytte 1803 uti garden på Øvre Himle. Frå 1782 var Åmund bataljonstambur ved Bergenhusiske Skarpskytterbataljon og fekk 1810 etter søknad avskil med 20 rd. i årleg pensjon. I vitnemålet som Åmund då fekk frå bataljonssjefen er m. a. sagt at Åmund var "av midels statur", hadde svart hår, blå augo, var breidaksla og "tyk af ben". Åmund var god smed og snikkar, arbeidde mykje klædeskistor og var sers ordhittig.

Åmund Johannesson, husmann i Moatròæ på Mo'o i Granvin, kjøpte Lae i 1793 av ervingane etter Aslak. Åmund var f. 1760, g. m. Torbjørg Larsdr. Dei fekk på Lae tri born: Johannes f. 1791, Lars f. 1795 og David f. 1800. Åmund bytte i 1803 med Knut Larsson uti hans bruk på Øvre Himle, der Åmund vart buande. Knut stemnde han Åmund i 1804 for at han hadde teke burt eit kvernhus som han etter makeskiftebrevet ikkje hadde rett til. Dei vart samde soleis at Åmund skulde betala 2 rd. til Knut. Knut selde alt i 1804 til Knut Andersson Bruen for 550 rd. Han var g. m. Gjertrud Oddsdr. og døydde barnlaus 1826, 77 år gl.

http://digitalarkivet.arkivverket.no/kb/dp/person/pd00000007224090

http://digitalarkivet.arkivverket.no/kb/dp/person/pd00000007226052