Al-Hadd ul-Faazil Al-Haj Mulla Aamil Mohammed Adnan Abdul Hussain Khasimi

Aamil-e-Bombay

• Wilaadat (Birth): c. 1337 AH (c. 1919 AD)
• Wafaat (Death): 4th Rabi' ul-Aakhir 1430 AH (30th March 2009 AD)
• Age - 95 Hijri Years

Source: Ahya us-Salaf

Short History:

Al-Aalim ul-Aamil, Al-Hadd ul-Faazil, Aamil-e-Bilaad-e-Bambai (Bombay), Al-Haj Maulvi Mohammed Adnan bin Abdul Hussain Khasimi saheb; durveshaana tarz ki lambi rehshdaar daarhi, chehrey pe ek aalimaana muskuraahat, aur sharee'at aur haqaaeq-e-aaliya ke 'ilm se bharaa hua seena, kya kehney. Jin logon ney bhi aap se asbaaqe padhey honge wo aap se waaqif hongey. Tamaam umar buzurgon ki taa't mein rahey, aur apni amaalat se markazi masjid ko aabaad kartey rahey. Aap Bambai (Bombay) ke hi Aamil, Janaab Al-Haj Maulvi Shabber Hussain bin Qadirali saheb ke shaagird they. Allah donon ki rooh ko muqaddas karey. Barson ki riyaazat aur ehkaam-e-deen ki paabandi se aap ke chehrey pe ek buzurgiyyat chhayi rehti thi. Al-Waalid al-muqaddas, Tarjumaan-e-da'awat, Al-Haj Maulvi Ameeruddin bin Maulvi Fakhruddin Halim saheb sey aap ko waalehaana aqueedat thi. Aap ne bhi 95 saal ki lambi umar paayi, jo khidmat-e-da'awat-e-haadiya-e-sulaimaniyya ko waqf kardi.

Source: Mohammed Shoeb A. Sulemani (dated 5th April 2014)