Anbjørn Mortensen Gjedrem

Han er å finna 1612, 1624 og 1645 på Gjedrem i Bjerkreim. Anbjørn overtok 1 får i garden etter mora/stemora etter 1617. I 1624 åtte han også 7 spann korn i Hetland. I 1645 åtte han 13 spann korn i Gjedrem. Han budde då saman med kona, to døtre og ei tenestejente. Andre brukarar då var broren Svale, Ole Mikkelson, Gjermund Rasmusson og enkja Anne. Gjermund brukte 2 vett korn i garden i 1645.

Anbjørn og broren Svale var vitne i ei rettssak 19.9.1622. Anbjørn var lagrettemann alle år mellom 1623 og 1630, og i 1634/35, 1637-1640 og 1642. Han vart oppnemnd til nemndarmann på lagtinget 1652.