Andries Jacobus Bester b4c3d3e7f2

VAB-23552 Boer van die plaas Fort Bester Distrik Paul Roux. Erkenning aan Jacques Malan en aangehaal uit sy boek Die Boere-Offisiere van die Tweede Vryheidsoorlog. 1899-1902. "Andries Jacobus Bester het reeds in 1868 Veldkornet geword en in 1872 was hy Kommandant van die Bethlehem kommando. In 1899 is hy en sy vier seuns as gewone burgers op kommndo met die opdrag om toesig oor die vervoer van die Vrystaatse artillerie tussen Zuringkrans en Ladysmith te hou. In Natal veg hy onder andere by Modderspruit en na die Veldtog is hy na Colesberg. In Februarie 1900 volg hy M. Prinsloo op as Veldkornet van die Bethlehem Kommando. Hy veg by Lindley, Bethlehem, Tabaksberg en Sprinkaansnek. In die Brandwaterkom tussen die Rooiberge is hy saam met Generaal Prinsloo vasgekeer. Hy was een van die laaste 13 man wat kon ontsnap. In Junie is hy bevorder tot waarnemende Kommandant van die Bethlehem Kommando. Kersfees 1901 was huy in Genl de Wet se keurgroep wat Groenkop (Krismiskop) moes bestorm en beset. Kommandant G. J. Olivier sneuwel by Groenkop en Andries Bester word in sy Plek as Kommandant aangestel. Hy veg voort, onder andere by Palmietpan en Holpan. Hy word in Mei 1902 afgevaardig na Vereeniging om oor vrede te onderhandel waar hy teen die vredesvoorstelle stem. Weens sy ouderdom het hy nie aan die rebellie deelgeneem nie en het op Paul Roux afgetree."