Anna Ellefsdatter Lyse

Generelle notat: Anna Lyse vart gift første gong med Jens Taraldson frå Store Ådnøy i Høle. Dei vart gift ikring 1580, men ein veit ikkje sikkert kvar dei budde før dei ikring 1603-1606 kom til Lyse i Forsand der han vert nemnt i skattelista for 1606/1607. Dette er einaste gongen ein finn Jens nemnt i skattelistene, og i manntalet for 1610 og 1611 var det enka Anna Lyse som vert nemnt. Anna og Jens hadde 8 eller ni barn. I manntalet for 1612 så er Anna gift opp att med Per (Olson?) Lyse. Per var truleg frå Sirdal. I odelsmanntalet for 1618 for Lister Len finn ein at "Per Lyse i Stavanger len med hans barn" åtte 2 hudar i garden Ausdal i Sirdal. Dette er truleg den same Per som vart gift med Anna. Anna og Per hadde ikkje barn, så Per må truleg ha vore gift ein gong før. Per vert nemnt som brukar av Lyse i alle manntala frå 1612 til1632/1633, men i 1624/1625 var stesonen Eiliv Jensson komen som brukarav ein part i garden. Per døydde ikring 1632