Vinje og Rauland. 2, s 411

Aslak Vinje-Gjore, som Knut var hjaa, kom til verdi same aaret som "Aparte Bona", og gifte seg snaudt tredive aar gammel med ho Kristi Olavsdotter Fetveit, dotter til Olav Fetveit og Birte. Daa den store skrida gjekk utpaa Rjoe paa Finnebu, laag Aslak og Kristi der eismale. Dei vakna upp og trudde domedag var komen. Den gongen var dei trulova.

Aslak var heller ein tusk noko, og sjukeleg. Kristi laut taka styren, og det gjorde ho handfast. Dei fortel at ho aatte dager etter ho hadde gjort barsøl sela ut hest og drog til Finnebu etter høy. Men som ho kom til Vinje-Rue tok ein av karane der nord etter lasset.

Olav Aasmundsson hadde fengi for lang taum av 'n Knut. No daa Aslak og Kristi fekk Vinje-Gjore, ein part av den gamle garden, totte Kristi han var for kyndug, og bruka munnen so uvyrdi at ho vart i beit. Ho maatte muta honom med fikset paa Myklegrunn. Og so lenge Aasmundssonnen livde fekk ingen i Gjore fiske paa den grunnen.

Fyrste bytingi av hovudbølet stod seg av daa Aslak Flòten kaupte noko yvi 1 tunne av 'n Knut, det bruket som sidan vart kalla Heggestøyl. Knut og Aslak, son hans, sat att med resten. Dei heldt nokre nokre utbytingar millom Heggestøyl og Vinje. Fyrst fekk Heggestøyl utskilt heimebeitet, so tok dei mennar til utbyting av fiske og heidstrkning, nokre aar etter. Aslak Flòten tok til aa flytja sume av husi, og aaret etter fyrste utbytingi er han paa Heggestøyl buande. Elles stod veld meste parten av husi att paa den gamle husestaded, paa flaten tett med prestegarden, der som no heiter "Tuftine".

Aslak naadde ingen alder aa reikne. Han døydde uppi halvtressaari, og daa han aatte berre døttar, var den eldste av deim nærast til garden.

Folketelling

• 1801, Winie, med kone og 2 døtre

Kirkebøker

• Dåp, 8 høyre side