Barbara Mendu BAYANG

Serving as a nurse under the Red Cross. Served as first female councillor with Kuching Municipal Council (KMC). The first president of Sarakup Indu Dayak Sarawak. Awarded Member of British Empire (MBE). One of the founder members of Sarawak United People Party (SUPP) and was an opposition candidate to stand in Sebuyau to challenge the second Chief Minister Datuk Tawi Sli.

AGI BISI INDU SARAWAK BERANI BAKA TU? ENTI KITA NGASAI KA DIRI INDU, SHARE MEH «BARBARA MENDU BAY» ( 4 April 1900- 12 March 1986) "The Iron Lady of Iban" Ari Banting, Simanggang, Dalam menoa bagi Kedua, Sarawak. Ada ba Sg. Tanju, Beliung, Samarahan. Nyadi indu Iban keterubah mangku pengawa Nurse ba Red Cross. Mendu mega indu Iban keterubah nyadi Kunsela ba Kuching Municipal Council (KMC) lalu ya mega nyadi Presiden keterubah Sarakup Indu Dayak Sarawak (SIDS). Sepanjai ya mangku pengawa , ia mega di beri pinggat Member of British Empire (MBE) dalam perintah menoa Koloni Sarawak. Leboh dunya kena tasah lalu belabuh deka megai kediri, Ia di bai Niang Tan Sri Ong Kee Hui enggau Stephen Yong ngepun ka Sarawak United People's Party (SUPP) tau ka Gerempong Sa'ati Rayat Sarawak taun 1959, kena ngangkat ka menua Sarawak ngati ka diri. Kelimpah ari nya, Mendu mega ngelalau bala indu Sarawak enda tau enda enggau dalam dunya politik, kebuah pia, ngenggai bala indu Sarawak jauh tinggal ari nemu bekaul pemansang dunya. Kena ka Disember 1961, Mendu enggau raban SUPP bekimpin ngagai serata menua Sarawak, lalu mujur te ulih ka 114,000 sain kena mantah menua Sarawak masuk dalam Serakup Malaysia begulai enggau Malaya. Petisyen ka di gerempong ka sida nya mega mujur dianjung ngagai Perintah British enggau Gerempong Dunya (UN), tang enda dikemendar ka perintah British enggau Gerempong Dunya (UN). Pengering, pengransing ati serta pemangah ya nyentuk ka ya bulih gelar "The Iron Lady of Iban Community" ari Tuan DO Koloni megai Simanggang maia nya. Taun 1962, Leboh Cobbold Commission datai deka mansik serta bejalai ka pengawa betemu enggau bala raban bansa di menua tu, Mendu, begulai enggau Datuk Hollis Tini, ia nya Chairman SUPP pampang Simanggang, mujur ngempuru ka urung 3,000 bala Iban enggau Laut, ari Sebuyau, Pantu, Simanggang, Jaong enggau Banting datai ka Kuching, lalu nganjung surat bantah ngenggai ka menoa Sarawak masuk Serakup Malaysia, lalu deka betemu enggau Cobbold Commission, sida begempuru ba Central Padang (Padang Merdeka ke diatu) lalu deka enceruboh upis Perintah Koloni(Yayasan Sarawak ke diatu) laban sid ya ka nganjung surat bantah ngagai Cobbold Commission, tang mujur di tan bala Sarawak Constabulary Police (SCP) ke bejalai ka pengawa maia nya, lalu nyentuk ka 300 lebih kena tan ba jil, enggau Mendu empu di tan ba House Arrest lalu sida sebilik enda di asuh Perintah Koloni pansut ari rumah. Ia mega kala bediri ba kerusi Sitak S18 Sebuyau ngelaban Kepala Menteri Sarawak kedua, ia nya Datuk Penghulu Tawi Sli tang alah mimit majoriti lebuh maia bepilih Council Negri Sarawak taun 1962 nyentuk bepilih Council Negri taun 1969. Mendu, ngejang lalu ngemunas ka seput ya lalu ngujung ya nyau kena ka 12 March 1986, di Kuching, Sarawak. Kena ngingat ka pengawa serta pemansang ya ngagai menua Sarawak serta bala indu, Jalan Mendu di Kuching, di ambi kena ngingat ka nama ya. Selamat Bejalai enggau likun Ini Mendu. Semua utai diadu nuan dikenang kami belama.

See Translation Voice's Of The Dayak's photo. Voice's Of The Dayak's photo. 'Bala raban ari Pantu, simanggang, Jaong, sebuyau enggau Banting begempuru ba Opis Yayasan Sarawak ka diatu, diketuai ka Barbara Bey enggau Datuk Holistini taun 1962. Sebedau penyarut nyadi antara Polis enggau sida.'

'Bala raban ari Pantu, simanggang, Jaong, sebuyau enggau Banting begempuru ba Opis Yayasan Sarawak ka diatu, diketuai ka Barbara Bey enggau Datuk Holistini taun 1962. sebedau penyarut nyadi.'

Write a comment... Choose File