Bertel Tomasson Nordfonn

Bertel var komen til Nord-Fodno i 1692, og brukte då halve garden. Då Ola Olson, ein nabo, fall frå tok Bertel over hans bruk, og var brukar av heile garden til 1732, då han let versonen få brukta helvta. Den andre helvta brukte Bertel til han døydde og enkja hans til 1743.

I 1704 måtte Bertel bøta 8 lodd sølv for "Uschikelighed" på tinget. Då Bertel kom fram og skulle betala skatten var han "saa ofver føldig druken" at han mest ikkje kunne stå på føtene. Han stod lenge og fomla med pengane. Til slutt tok futen pungen frå han og talde opp pengane, men då mangla det 1 mark og 14 skilling. Bertel banna og svor på at det var nok pengar i pungen, og at futen hadde stole dei som mangla. Futen tok då 6 skilling, av pengane og la dei i fattigbørsa som bot, og talde så pengane på nytt, men Bertel gav seg ikkje. Då fekk futen lensmannen og Ola i Fodno med seg og talde pengane for tredje gong, men Bertel gav seg ikkje likevel.

På sumartinget i 1712 møtte Ragna og bad ålmugen om tingsvitne på at husa på Nord-Fodno hadde brunne ned for 8 dagar sidan, om natta. Alt dei åtte strauk med og det var såvidt dei sjølv berga livet "-- hvor ofver de nu ganske i armod er geraaden". Ho fekk tingsvitne og Bertel søkte om skattefridom i nokre år. I 1714 er han enno så utarma at han ikkje greidde å savar Dagskatten.

• Reference: FamilySearch Family Tree - SmartCopy: Apr 28 2021, 9:37:43 UTC