Burch Bendit Lichtenstein (Vesht)

http://lichtensteinheritage.blogspot.com/2010/08/i-have-been-in-con...

http://lichtensteinheritage.blogspot.com/2010/05/i-came-across-very...

http://lichtensteinheritage.blogspot.com/2010/07/rebbe-baruch-bendi...

from:

http://www.yiddishworld.com/forum/index.php?f=31&t=9277&st=0&sk=t&s...

היינט האט מיר איינער צוגעוויזען אינעם ספר 'דעת חת"ם סופר' (שהו"ל הרב ר' בנציון הכהן שטראסער שלט"א דומ"ץ נייטרא-ב"פ, נכד החת"ס) ביים סוף איז געדרוקט עטליכע אינטערעסאנטע מכתבי קודש פון הגרעק"א און מרן החת"ס, אין צווישען האט ער שלשה כתובים איבער ר' ברוך בענדיל ליכטענשטיין דיין בוועטש אביהם של הגה"ק ר' הילל מקאלאמייא ור' יעקב קאפל מראדיוויץ ז"ל.

עס שיינט אז ר' בענדיט איז נישט געזונט געווען און ער האט געוואלט גיין קיין קארלסבאד לצרכי רפואה, ולרש אין כל צו באצאל די הוצאות הרפואה, האט ער זיך אפגעשטעלט אין פראג צו שאפן געלט, דערויף האט דער הייליגער חת"ס געשיקט א בריוו צו ר' אלעזר הורוויץ אב"ד וויען אז ער זאל שרייבען א בריוו צום נגיד ושר ר' לעמיל (?) פון פראג אז ער זאל ארויסהעלפן, אויך דער פרעשבורגער דיין ר' דניאל פרוסטיץ האט געשיקט א בריוו דערוועגן קיין פראג.

למעשה, רגלוהו דאינש עריבין ביה און פון הימל האט מען געפירט אז ר' ברוך בענדיט איז נישט ווייטער געפארן נאר דארט אין פראג איז ער שטארק קראנק געווארן ובני העיר נטפלו עמו, ביז צו זיין פטירה והובא למנוחות בפראג הבירה על אם הדרך.

לאחר פטירתו שרייבט ר' הילל קאלאמייער א הערליכער דאנק-בריוו פאר די תושבי העיר על כל החסד וואס זיי האבן געטאן מיט זיין פאטער ז"ל, די דריי בריווען איז ווי דערמאנט דארט אריינגעדרוקט, ווי אויך דער נוסח המציבה פון פראג, ער איז נפטר געווארן כ"ח חשון תקצ"ח.

מיט די בריווען ציעט דער מו"ל ארויס עטליכע מסקנות וועלכע זענען געווען לוטה בערפל איבער ר' ברוך בענדיט ל"ש מוועטש, קודם אז ער איז נישט געווען רב נאר דיין אין וועטש און אויך אז ער ליגט אין פראג און נישט אין וועטש ווי אנדערע האבן געמיינט.

למעשה, מיר דאכט אז דער ביה"ח אין פראג איז קאי וקיים ולא שלטו בו ידי הנאצים ימ"ש, ווייסט איינער צו מ'האט אמאל אפירגעזוכט די מציבה פון ר' ברוך בענדיט? עס איז דאך פארהאן טויזענטער אייניקלעך, און פראג איז גרינג צוצוקומען, אפשר ווייסט איינער מער פרטים?