Cornelis Johannes Visser, g6

Boedel / Estate No. VAB MHG V87

Jagersfontein is in 1800, soos ander gebiede in die Suid-Vrystaat, beskryf as een van die aangrypendste wild tuistes in die wêreld. Volgens oorlewering was een van die eerste wit eienaars van Jagersfontein, Cornelius Johannes Visser, ’n gebore jagter wat skynbaar as tydverdryf gereeld luiperds met die een helfte van ’n skaapskêr gejag het.

Volgens die register is die plaas Jagers Fontein vanaf 26 Junie 1836 tot 26 Junie 1851 aan I Oberholzer as Britse onderdaan verhuur teen £2 (R4) per jaar. Hierna vermeld die register dat die plaas op 3 Desember 1850 verkoop is en op 24 Februarie 1851 op die naam van Cornelis Johannes Visser oorgedra is sonder die betaling van oordragskostes.

’n Grondbrief is op 7 September 1872 vir die plaas Jagersfontein en ’n sekere gedeelte van die plaas Bloubosleegte uitgereik aan die boedel van wyle CJ Visser. Dit was vergesel van ’n kaart wat in 1872 opgestel is deur GF Stegmann.

Op 7 Oktober 1872 word hierdie hele plaas op las van die eksekutrise en erfgename in die boedel van wyle CJ Visser verkoop en op 5 November 1872 getransporteer te Fauresmith om weer op 14 November 1872 te Bloemfontein geregistreer te word, ten gunste van Jacoba Magdalena Cecilia Visser gebore Van Staden.

http://www.fak.org.za/vrystaatse-dorpe/xhariep/kopanong-munisipalit... http://www.geni.com/projects/OVS-SA-families/17050 http://www.eggsa.org/library/main.php?g2_itemId=2524122