Daniel Nicolaas Meyer

Daniel Nicolaas Meyer en sy broer Jan het die stuk grond van 13 morg, waar die Burgersentrum van Alberton later sou staan en waar nou die "Alberton City" inkopiesentum is, van hul neef Johannes Petrus (Jan) Meyer gehuur. Jan Meyer het die stuk grond van sy stiefvader Abraham Viljoen gekoop vir 13 pond.

Daniel Nicolaas en sy broer Jan was met die twee Le Maitre susters getroud. Hulle was die dogters van die Franse, en eerste onderwyser, Thomas Le Maitre van Alberton, wat skool gehou het in die woonhuis van sy skoonseun Daan.(Inligting bekom uit dokumente in besit van die Albertonse Erfenis Kommitte.)

Sy seun Cornelius Johannes Floris sou later hierdie grond koop vir 60 pond, en 'n melkery daar bedryf.