Elen Oline Monsdatter Stangaland

• Gard og ætt i Sola, Vestre Stangaland, bruk 5, side 481, nr. 8.5
• Gard og ætt i Sola, Austre Stangaland, bruk 1, side 463, nr. 11

Gard og ætt i Sola, Vestre Stangaland, bruk 5, side 481, nr. 8
Mons Evertson var frå Håland, bruk 7, huslyd 1,2. Som vi såg, kjøpte han i 1842 12 spann av dette gamle 18spannsbruket, og auksjonsskøyta hans er datert same dagen som auksjonen var, 10/3. Det var avtalt at den yngste av dei 2 brørne i syskenflokken som han kjøpte av, Tøres, skulle få kjøpa 3 av dei 12 spann, slik at han kunne skipa eit nytt bruk på 6 spann, bruk 7. Broren Kristian skulle nøya seg med sine 3 spann, bruk 10. Mons Evertson hadde såleis att 9 spann av dei 12 han kjøpte. Halvannan månad før han fekk skøyta, 24/1 1842, hadde han gift seg med Ane Maria Kristoffersdtr. frå Tjora, bruk 14, huslyd 14,1. I 1871 kjøpte han noko av bruk 7, og dette nye bruket fekk nummer 8 og skylda 2 ort 18 skl. Dit flytte dei då sonen Kristian tok over bruk 5. Ane Maria døydde 28/3 1889, Mons 9/10 1908. I hans tid var det to endringar i skyld på dette bruket. I 1863 gjekk det frå 4 ort 15 skl. som tillegg til bruk 11, og i 1875 14 skl. (skøyta tinglyst 19/12 1874) som tillegg til bruk 1 på Austre Stangaland. Dette tillegget gjekk merkeleg nok inn som br. nr. 2 på Austre Stangaland, men høyrer framleis til Vestre Stangaland. Etter desse to frådelingane var skylda på bruk 5: 2 dlr. 2 ort 9 skl. = 7,04 mark.
Born:

1. Martin, f. 17/7 1844, d. 27/9 1851.
2. Kristian, f. 6/10 1846, Vestre Stangaland, dette bruket, huslyd 9.
3. Ingeborg, f. 12/8 1849, Ølberg, bruk 2, huslyd 15.
4. Martin, f. 20/6 1852, d. 26/8 1852.
5. Elen Olina, f. 23/12 1853, Austre Stangaland, bruk 1, huslyd 11.