Gunleik Kjetilson Omnes

Matrikkelgarden Omnes gnr. 81 Gunleik Kjetilson, brukar ca 1627-53, eigar seinast frå 1634, gm Åsne Olavsdtr. Nedre Håve, Lisleherad. Born: Kjetil, sjå IV).

Gunleik Omnes var strilynt. Han blei dømt og bøtelagt av ei tolvmannsrett på Skien rådstove i 1623 for eit drap på Tarald Tovson nokre år tidlegare. Bota var på 16 rd. Gunleik måtte også bøte med 5 rd. avdi han stakk "Siffuer", Siver el. Sigurd Tjønnås med ein kniv. Kan hende tretta dei om Tjønnås. Kjetil Omnes åtte den garden i 1603.

På 1620-talet var det Nils Bø og Ola Engrav som åtte Omnes, som var deira odelsgods. Men Gunleik leid inga naud. Sjølv åtte han Hellem i Heddal og partar i Haugen og Bøen, dessutan ein gard i Sauherad. Dei tri første var giftegods og arv til kona, dotter til Egelev Olavsdtr. Folkestad, som det blei heldt skifte etter i 1614. I 1634 åtte han til saman 11-12 tn i Hjartdal og bygdene ikring, og auken skreiv seg frå "hans quinde og stifdatter".

Sonen Kjetil tok over Omnes.

Kilder:

1) Jackie Hufschmid i Wisconsin

	  2)	Ole Bjørn Darrud