Gyrd Knutsson Sjøvoll

Han budde først på Meling fram til 1629, då han bytte bruk med sonen og flytte til Sjøvoll. Gyrd sat som leiglending på Meling, men eigde 1 1/4 laup smør, 1 1/4 hud i Sjøvoll i 1624, som han då svara odelsskatt for. Gyrd kjøpte òg Grutle ein gong mellom 1626 og 1637. Dette var òg odelsgods som vart skifte etter Torstein Børøyno i 1606. I søra Habbastad eigde han 9 merker smør som han hadde som pantegods.

Gyrd var med å rusta ut ein soldat til Svinesund både i 1611 og 1612, men av ein eller annan grunn er han ikkje nemnd i "knekteskatt"-manntalet nokre av åra, sjølv om han var ein velståande mann.

Gyrd rydda laksvågen Oddevågen i Hiskjo, som han og sonen Gunnar brukte i over 60 år, og som dei svara 2 pund laks for året i landslut for.