Jan Abraham Swanepoel, b3c1d4e10

1. Sy 1ste eggenote (Elsie) kon blykbaar nie skryf nie; sy het net ’n kruisie vir ’n handtekening in die huweliksregister van die Gemeente Colesberg gemaak. 2. Dit kan nog nie met sekerheid bevestig word of hy dieselfde Jan Abraham is wat met Johanna ROUX getroud was nie. In die huweliksregister van Hopetown word Jan Abraham as ’n wewenaar aangedui en sy ouderdom ten tye van sy huwelik as 33 jaar. Daar is egter verskeie omstandigheidsgetuies wat die vermoede laat ontstaan dat Jan Abraham wel ’n 2de huwelik met Johanna ROUX aangegaan het: a) Sy 1ste eggenote, Elsie Sophia BRITS, is in 1855 oorlede wat dit verstaanbaar maak dat Jan Abraham so gou moontlik daarna weer in die huwelik sou getree het om ’n moeder vir sy ses kinders wat almal onder die ouderdom van 9 jaar is, te bekom. b) Jan Abraham (b3c1d4e10) se ouderdom kom die naaste ooreen aan die ouderdom van Jan Abraham wat op 1856-05-12 met Johanna Carolina ROUX getroud is. 3. Sy 2de eggenote was blykbaar onseker wat haar 2de naam was. Met haar huwelik is haar name ‘Johanna Catharina’ geskryf; met die doop van hul seun Petrus (f7) is haar name ‘Johanna Carolina’ geskryf, met die doop van hul seun Antonia Gerhardus (g8) is haar name ‘Johanna Roelofina’ geskryf, met hul kinders Karel Hendrik (f9), Christina Aletta Anthonetta (f10) en Martha Johanna (f14) se doop is haar name ‘Johanna Jacomina Elizabeth’ geskryf. Volgens die bron ‘Die familie Roux’ deur Johannes van der Bijl, is haar name ‘Hansie Jacoba Elizabeth ROUX’ * Villiersdorp 1836-11-18. 4. Kinders f1 - f6 is uit sy 1ste huwelik gebore. 5. Kinders f7 - f14 is uit sy 2de huwelik gebore. 6. Adres ten tye van sy 1ste huwelik: Middenveld. 7. Adres ten tye van sy 2de huwelik: ‘Pan van Hoopstad’.