Jochum Conradson Krüger

Døpt 25.juni Bergen Skole 1761 Teoligisk ex 5.des 1763 med non contemn, for den homiletiske Prøve laudab 30.sept 1768 personel Kapellan hos prost Nygaard i Kvinherred 16.sept 1778 Res kapellan i Os

Gift 1: Wenche Cathrine Floor Rennesø 1765 Gift 2: Drude Frimann Astrup 1779

Endring 14.02.2017: Vigselsstaden stod no som Fusa, og det ville i og for seg ikkje vore usannsynleg, etter som Jochum nett hadde fått kapellanstilling i Os prestegjeld med bustad på prestegarden i Fusa. Men no er Os kyrkjebok (1766-1779, s.164) heilt klår på nett dette punktet: "copulerit i Huset paa Fersta Gaard med Kongl: Tilladelse". Og Ferstad gard låg/ligg i hovudsoknet Os, noverande Os kommune. Drude si morslekt hadde for øvrig tilknyting til Ferstad gard i fleire generasjoner, og morbroren Johan Leganger åtte garden då dei gifta seg - så tilfeldig - neppe! Så også sjølve staden Ferstad gard bør nok med, i berre Os.

Eg ser at det vert operert med farsnamn/patronymikon både for Jochum sjølv (Conradson), sønene hans (Jochumsen), og mange andre av anane kring dei. Men det var i realiteten svært uvanleg at folk i embetsmannsklassa med stabile slektsnamn tok i bruk patronymikon. Derimot - i lågare lag var patronymikon det normale (og varige) tillegget til fornamnet. For dei to yngste sønene til Jochum, dei som budde i Fusa, har eg dei siste dagane funne namna til i fleire ulike typar kjelder, og ingen med Jochumssen. Eg meiner ein bør ha klår dokumentasjon på bruk av farsnamn for denne gruppa personar, om ein skal ta det med, og ikkje nytta det automatisk.

Eg ser at Skjørsand i Fusa er nytta som døds- og fødestad, jmfr. overskrift. Det ser eg som ganske usannsynleg. Rett nok var Skjørsand ein del av Krüger sine eigedomar, men då Jochum vart tilsett som kapellan, var føresetnaden at han skulle bu på Fusa prestegard. Det gjorde han etter alt å døma også. Skiftesamlinga i 1786 fann stad på Fusa prestegard, t.o.m. med formuleringa "udi Stervboet". Så seint som i 1801 budde enkja Drude på prestegarden saman med yngstesonen Arent Henrik og tenestefolk, sjølv om ho då dreiv eit gardsbruk på Øvstad. Alle bruka på Skjørsand var då drivne med forpaktarar. Først seinare flytta sønene til Skjørsand. Eg er viss på at "Fusa prestegard, Fusa" vil vera rett stadnemning, eventuelt berre Fusa, om ein er i stor tvil.

Med venleg helsing Kåre Strøm

___

I andre (udokumenterte) kilder finner jeg at han kjøpte Skjørsand i 1779, og at bryllupsdatoen til ekteskapet med Drude Marie Friman Astrup var 14 Mai 1779, stemmer dette?

Mvh. Iris Heltne