Kmdt. Johan Adam Enslin

Hy was die leier van die sg. Jerusalemgangers.

Daniël Jacobs berig op SAGen en Buiteposten:

In "Die Jerusalemgangers, met besondere verwysing na JA Enslin" maak prof. JP Claassen, met verwysing na Jan Enslin, die volgende opmerking: "Rondom hierdie man en sy geesgenote ontvou die vreemde verhaal van ’n aantal mense wat ’n plan opgevat het om oor Afrika te trek tot by Jerusalem. Hulle was vas oortuig dat die gevaarvolle reis oor die berge en vlaktes van die donker onbekende Afrika hulle sou bring by die glansende velde en ligtende hemel van Jerusalem. So sou hulle dan Jerusalem, die hervormde Paradys, vir hulleself en hulle nageslag verseker."

Dr. William Robertson, predikant van Swellendam, het hierdie begeerte om na verafgeleë plekke te trek ook vroeër by o.a. die De Beers in die wyk Swartberg teëgekom. Enslin en verskeie van sy volgelinge het familiebande met hierdie mense gehad... Afgesien van die geestelike dryfvere het Enslin ook gemeen dat so ’n trek na Jerusalem hom en sy volgelinge van Engelse oorheersing en die voortdurende konflik met die swartes sou bevry.

Enslin het in 1837 die kolonie as Voortrekker verlaat en was in 1838 in Natal. Hy het hom later in die Winburg-omgewing gevestig en in 1848 was hy een van die kommandante by die Slag van Boomplaats. Ná die Boere se nederlaag het hy hom in Marico gevestig op sy plaas wat hy Meseg genoem het. Die plaas se naam is ontleen aan Psalm 120 vers 5, een van die bedevaartsliedere wat ’n Israeliet op sy reis na Jerusalem gesing het.

Enslin was in voortdurende konflik met sy mede-burgers. Hy het o.m. na aanleiding van Openbaring 12:3--4 gesê hy sien hoe Andries Wessel Pretorius deel uitmaak van die sterre of engele wat deur Satan in sy uiteindelike val meegsleur word. Dr. Andrew Murray het ná Enslin se dood in 1852 verskeie deputasies na die groep gelei. In ’n stadium wou sommige van Enslin se volgelinge selfs vir dr. Murray stenig omdat hulle hom as in diens van die Antichris” (Engeland) beskou het.

Terwyl hulle besig was met voorbereidings vir die tog na Jerusalem, het ’n malaria-epidemie in die somer van 1851--1852 die lewens van verskeie lede van die groep, waaronder ook dié van Jan Enslin, geëis. Van sy volgelinge het nou ter wille van selfbehoud uit die Marico gevlug en in die Waterberg-distrik aangekom waar hulle die breë biesie-omsoomde rivier die Nyl genoem het en die dorpie Nylstroom tot stand gebring het.

Bronne:

Claassen, J.P. : Die Jerusalemgangers, met besondere verwysing na JA Enslin, Pietersburg, 1981

https://af.wikipedia.org/wiki/Johan_Enslin

A farmer and commander-in-chief. He is best remembered as the leader of the Jerusalemites , an eccentric sect or grouping among the Voortrekkers in the Transvaal , sometimes described as fanatical and fanatical, with peculiar views that consisted of a strange mixture of political and religious beliefs.

In 1846 Enslin was elected Commandant-General and participated in Battle of Boomplaats on 29 August 1848.