Johannes Haldorson Lavik, Nesheim

NESHEIM BRUK

Matrikkelen 1723: Nesheim er apostelgods med 1 brukar. Garden er sjølveigande med eigedom og bygselrett til 18 mk. Ikkje husmannsplass. Støl 1/2 mil til fjells. Ved til husbruk. Flaumkvern. Uviss til kordyrking, tungbrukt og god til boring. Sådde 1 t. havre, avla 2 t., - fødde 8 kyr, 3 ungnaut, 18 sauer, 1 hest.

Soldat Knut Larsson, f. 1699, d. 1733, g. 1727 Brita Simonsdtr. Fosse, f. 1702.

Born: a. Helge, f. 1727, d. før 1788. b. Ola, f. 1728, g. 1753 Magdeli Nilsdtr. Brakestad, f. 1725, b. Brakestad, Brukarar. c. Helga, f. 1729, g. 1766 ekm. Lars Helgeson Århus, f. 1713, husmann Århus, Evanger, b. I. d. Eit barn, f. 1731, d. 1732. e. Brita, f. 1733, d. 1733.

Brita Simonsdtr. gifte seg oppatt 1734 med soldat Johannes Haldorson Lavik, f. 1709, d. 1737.

Born: a. Agate, f. 1735, d. 1735.

1736 er det tinglyst skøyte frå Abraham Toemann?, Nils Larsson Åsheim og Jakob Knutson Trefall til Johannes Haldorson på 18 mk., og same året får han odelstransport frå Nils Larsson Åsheim på 18 mk. Johannes Haldorson døydde 1737 og i skifte etter han åtte buet 13 1/2 mk. som vart verds. 13 rdl. 3 mk. og utlagt til kreditorane Brytteva Knutsdtr. og Mikkel Johanson Ådna.

Brita Simonsdtr. gifte seg tredje gong 1738 med Nils Larsson Fjellanger, f. 1715.

Born: a. Knut, f. 1738, sjå nedanfor. b. Lars, f. 1740, d. 1743. c. Brita, f. 1743, g. 1763 Knut Jakobson Trefall, f. 1744,b. Trefall, Brukarar. d. Lars, f. 1745, g. 1764 Guro Gulleiksdtr. Brekkhus, f. 1745, b. Brekkhus, Evanger, b. I. e. Simon, f. 1748, brukar her.

Brita Simonsdtr. døydde 1777. Buet åtte 9 mk. smør etter skøyte 1738, verds. 36 rdl., som vart utlagt til enkjemannen og borna.

Nils Larsson gifte seg oppatt 1777 med ek. Torbjørg Helgesdtr. Bergo, f. 1715. Same året får han skøyte frå Ole Knutson Brakestad og medarvingar på 9 mk. smør. Nils Larsson og kona Torbjørg døydde 1787 og 9 mk. smør vart utlagt til sonen Knut.

http://vaksdalhistorielag.org/wiki/index.php?title=Nesheim