Johannes Johannesson Ringhagen

Johannes Ringhagen, son av Johannes Nilsson og Borgilla Bjørnsdotter, vart fødd den 4. mar 1820 i Helgeland, Erfjord, Rogaland, NOR, vart døypt den 21. mai 1820 i Jelsa kyrkje, Jelsa, Rogaland, NOR, døydde den 23. aug 1900 i Njærheim, Nærbø, Rogaland, NOR, 80 år gamal, og vart gravlagd den 29. aug 1900 i Nærbø kyrkje, Nærbø, Rogaland, NOR. Dødsårsak: Alderdom.

Johannes Johannesson kjøpte den eine halvparten av Tormod Olson sitt bruk på Risvoll i 1846. Han gav 50 spesidalar for det. I 1857 selde han det att for 150 spesidalar. I 1865 finn me han som jordlaus husmann under bruksnr. 1 på Risvoll. Då er han kalla tømmermann. Ikkje lenge etter reiste han og familien bort frå Risvoll.

Dei kjøpte huset på Sandslandet av Siri og Helleik i 1866. Eldste dottera Borgilla vart fødd i desember 1839 på Varås i Erfjord, altså før dei gifta seg. Johannes fekk seg arbeid på skipsvervane som tømmermann. I følgje familietradisjonen lagde han modellar til "klysset", dei to opningane der ankerkjettingen går ut på eit fartøy, opningar som i neste hand vart støypte i jern. I familien vart det òg fortalt om dei lange båla dei lagde til for å få bøygd materialen under bygginga. Etter at det vart slutt på skipsbygginga i 1879/1880 var Johannes hustømmermann på Sand. I tellinga 1891 fører han seg opp som "Tønderbunder-Arbeider", men dette vert sidan av andre ført på som "bøkker". Men det var altså eit spesialarbeid innafor tønneproduksjonen han dreiv med.

Som gamle flytta Anna og Johannes frå Sand på slutten av 1890-talet til sonen (Bård) på Jæren (hadde gard på Alvaneset (Njærheim) i Nærbø), der dei er gravlagde. Anna omkom ved eit lyn-nedslag. I familie-tradisjonen heiter det at då dei budde i Sauda var det ein gong 3 ulvar som stod og såg ned på huset der dei budde. Ein gong Anna som jente var ute og gjette kreatur, kom ho rett forbi ein bjørn, men han var truleg mett for han sat berre og såg på ho som dreiv forbi med buskapen.

(Sonen Bård kalla seg Risvoll.)

Hendingar i livet hans:

• Han finst i 1865 i Risvoll, Sauda, Rogaland, NOR. 46 år, Husmand uden Jord, Tømmermand.

Johannes gifta seg med Anna Bårdsdotter den 12. jul 1840 i Sauda kyrkje, Sauda, Rogaland, NOR.

1865 census for Risvold, Sand:

https://www.digitalarkivet.no/en/census/person/pf01038212002841